گرۋزين اكتەرى، رەجيسسەر، ستسەناريست جانە ءانشى ۆاحتانگ كيكابيدزە رەسەي پرەزيدەنتى ۆلاديمير پۋتين رەسەي مەن ۋكراينا اراسىنداعى سوعىستا ولمەسە، ونى مىندەتتى تۇردە ءوز ادامدارى ولتىرەتىنىنە سەنىمدى. ونىڭ ايتۋىنشا، رەسەي فەدەراتسياسىنىڭ تاريحىندا مۇنداي «كەزدەيسوق ءولىم» جاعدايلارى كوپ بولعان، دەپ جازادى "ادىرنا" ۇلتتىق پورتالى.
كيكابيدزە ۋكراينالىق جۋرناليست دميتري گوردونعا بەرگەن سۇحباتىندا باسقىنشى ەلدىڭ پرەزيدەنتى ونى بۇكىل الەم جەك كورۋ ءۇشىن قولدان كەلگەننىڭ ءبارىن جاساعانىن باسا ايتتى.
«ەگەر ول وسى سوعىستا ولمەسە، رەسەيلىكتەردىڭ ءوزى ونى ء(پۋتيندى) جەرلەيدى... مەنىڭ ويىمشا، جوعارىدا ودان قالاي قۇتىلۋدى ويلاستىرىپ جاتقان بەلگىلى ءبىر ادامدار جينالىپ جاتىر»، - دەپ مالىمدەدى اكتەر.
بۇل رەتتە ول ورىس حالقى تۋرالى ايتىپ جاتقان جوق.
"مەن كرەمل تۋرالى ايتىپ وتىرمىن. بۇدان بولەك باسقا دا ادامدار ومىردەن وتكەن. بۇل كەزدەيسوق ءولىم دەپ اتالدى", – دەپ قوستى كيكابيدزە.
ونىڭ ايتۋىنشا، ۆلاديمير پۋتين گااگاداعى حالىقارالىق قىلمىستىق سوتتا ادامداردى ولتىرگەنى جانە ۋكراينانىڭ قالالارى مەن اۋىلدارىن قيراتقانى ءۇشىن مىندەتتى تۇردە جاۋاپ بەرەدى.
"وسىناۋ كوپ تانكتەردىڭ كورسەتىلىمى باستالماي تۇرىپ ونىڭ مالىمدەمەسىن ءۇنسىز تىڭداعاندار، كرەملدىڭ ءوزى بۇل سوعىستى قالاي اياقتاۋ تۋرالى دەرەۋ ويلانۋى كەرەك", - دەپ تۇيىندەدى كيكابيدزە.
"ادىرنا" ۇلتتىق پورتالى
