قازگيدرومەت قازاقستان قالالارىنىڭ ەڭ لاس ايماقتارىن اتادى، - دەپ حابارلايدى "ادىرنا" ءتىلشىسى.
اعىمداعى جىلدىڭ 1 ناۋرىزى مەن 7 ناۋرىزى ارالىعىندا ماماندار ەلىمىزدىڭ ءىرى قالالارىندا اتموسفەرالىق اۋانىڭ ساپاسىن ولشەگەن. وسى كەزەڭدە كەلەسى بەلگىلەر تىركەلدى:
- نۇر-سۇلتان قالاسىندا شرك (شەكتى رۇقسات ەتىلگەن كونتسەنتراتسيالار) 786 ەسەدەن استى، قالا اۋاسى بايتۇرسىنوۆ كوشەسىنىڭ ۋچاسكەلەرىندە قاتتى لاستانعان;
- الماتىدا شرك 367 ەسە اسىپ كەتكەن، قالانىڭ اۋاسى تۇركسىب اۋدانىندا قاتتى لاستانعان;
- اتىراۋ قالاسىندا شرك-دان اسۋدىڭ 42 جاعدايى تىركەلدى، اۋانىڭ لاستانۋى سىرداريا كوشەسى، 3-ءۇي اۋدانىندا;
- قاراعاندى قالاسىندا شرك-دان اسۋدىڭ 809 جاعدايى تىركەلدى، قالا اۋاسى 3-ءشى كوچەگاركا كوشەسى (پريشاحتينسك) اۋدانىندا ەڭ كوپ لاستانعان;
- جەزقازعان قالاسىندا شرك-دان اسۋدىڭ 178 جاعدايى تىركەلدى، قالا اۋاسى ەڭ كوپ لاستانعان م.ءجاميلا كوشەسى، 4ب ءۇي ۋچاسكەلەرىندە;
- وسكەمەن قالاسىندا شرك-دان اسۋدىڭ 16 جاعدايى تىركەلدى، قالانىڭ اۋاسى ەڭ كوپ لاستانعان پيتەرسكيح-كوممۋناروۆ كوشەسى اۋدانىندا;
- پاۆلودار قالاسىندا رۇقسات ەتىلگەن كونتسەنتراتسيادان اسۋدىڭ ءۇش جاعدايى تىركەلدى، قالا اۋاسى كاز.پراۆدى كوشەسىنىڭ اۋدانىندا قاتتى لاستانعان;
- شىمكەنت قالاسىندا رۇقسات ەتىلگەن كونتسەنتراتسيادان اسۋدىڭ 98 جاعدايى تىركەلدى، قالا اۋاسى ەڭ كوپ لاستانعان «ءنۇرسات» شاعىن اۋدانى اۋماعىندا;
- اقتوبە قالاسىندا رۇقسات ەتىلگەن كونتسەنتراتسيادان اسۋدىڭ 30 جاعدايى تىركەلدى، قالا اۋاسى رىسقۇلوۆ كوشەسىنىڭ اۋدانىندا بارىنشا لاستانعان;
- قىزىلوردا قالاسىندا شرك-دان اسۋدىڭ 10 جاعدايى تىركەلدى، قالا اۋاسى بەردەنوۆ كوشەسىنىڭ اۋدانىندا ەڭ كوپ لاستانعان.
"ەشبىر ايماقتاردا وتە جوعارى (20 شرك-دان استام) لاستانۋ جاعدايلارى تىركەلگەن جوق. گرافيكتەر قالالارداعى لاستاۋشى زاتتاردىڭ ورتاشا تاۋلىكتىك كونتسەنتراتسياسى تۋرالى اقپارات بەرەدى", - دەپ حابارلادى قازگيدرومەت.
"ادىرنا" ۇلتتىق پورتالى