رەسەي ساياساتكەرى دميتري گۋدكوۆ ەكى ەل اراسىنداعى سوعىستى جەدەل توقتاتۋدى سۇرادى، دەپ حابارلايدى “ادىرنا” ۇلتتىق پورتالى.
ءوز بەينەۇندەۋىن گۋدكوۆ رەسەي دەپۋتاتتارى مەن شەنى بار ادامدارعا، رەسەي اسكەرىنە جولدادى.
“دەرەۋ سوعىستى توقتاتىڭدار. ءپۋتيندى توقتاتىڭدار. بۇل سىزدەردىڭ ءارى قاراي فيزيكالىق تۇرعىدا ءومىر سۇرۋلەرىڭىزدىڭ سوڭعى مۇمكىندىگى. توقتاتىڭدار. ءپۋتيننىڭ بۇيرىعىمەن قازىر ۋكراينا بومبانىڭ استىندا قالىپ جاتىر.
اسكەريلەردەن بولەك، بەيبىت تۇرعىندار قازا تابۋدا. بومبا قاراپايىم تۇرعىن ۇيلەرگە، بالاباقشاعا، مەكتەپتەرگە ءتۇسىپ جاتىر. قازىردىڭ وزىندە قايتىس بولعاندار سانى مىڭنان اسادى. بۇل سوعىس ەشكىمگە دە كەرەك ەمەس.
سوعىس رەسەي قىزىعۋشىلىقتارىنىڭ ەشقايسىسىن ساقتاپ قالا المايدى. بۇل ەسىنەن اداسقان ديكتاتوردىڭ شەشىمى.
ارالارىڭىزدان، ەسى دۇرىس، ادەكۆاتتى ادام شىعىپ، توقتاتۋدى تالاپ ەتۋ مۇمكىن ەمەس پە؟ بارلىق الەم ءبىزدى جەك كورەدى. ال سىزدەردى قىلمىسكەر رەتىندە سوتتايدى. مۇمكىندىك باردا ءپۋتيندى توقتاتىڭدار. ء“وز ەركىمەن وتستاۆكاعا كەتە مە” بىلمەيمىن، بىراق توقتاتىڭدار”،- دەدى ول بەينەۇندەۋىندە.
“ادىرنا” ۇلتتىق پورتالى
