Reseı saıasatkeri Dmıtrıı Gýdkov eki el arasyndaǵy soǵysty jedel toqtatýdy surady, dep habarlaıdy “Adyrna” ulttyq portaly.
Óz beıneúndeýin Gýdkov Reseı depýtattary men sheni bar adamdarǵa, Reseı áskerine joldady.
“Dereý soǵysty toqtatyńdar. Pýtındi toqtatyńdar. Bul sizderdiń ári qaraı fızıkalyq turǵyda ómir súrýlerińizdiń sońǵy múmkindigi. Toqtatyńdar. Pýtınniń buıryǵymen qazir Ýkraına bombanyń astynda qalyp jatyr.
Áskerılerden bólek, beıbit turǵyndar qaza tabýda. Bomba qarapaıym turǵyn úılerge, balabaqshaǵa, mektepterge túsip jatyr. Qazirdiń ózinde qaıtys bolǵandar sany myńnan asady. Bul soǵys eshkimge de kerek emes.
Soǵys Reseı qyzyǵýshylyqtarynyń eshqaısysyn saqtap qala almaıdy. Bul esinen adasqan dıktatordyń sheshimi.
Aralaryńyzdan, esi durys, adekvatty adam shyǵyp, toqtatýdy talap etý múmkin emes pe? Barlyq álem bizdi jek kóredi. Al sizderdi qylmysker retinde sottaıdy. Múmkindik barda Pýtındi toqtatyńdar. “Óz erkimen otstavkaǵa kete me” bilmeımin, biraq toqtatyńdar”,- dedi ol beıneúndeýinde.
“Adyrna” ulttyq portaly
