ەكس-پرەزيدەنتتىڭ كەنجە قىزى – ءاليا نازارباەۆاعا تيەسىلى دەلىنەتىن «وپەراتور روپ»جشس قاراعاندىداعى اۆتوموبيل ۋتيليزاتسياسىمەن اينالىساتىن زاۋىتقا 20 ميللياردتان استام تەڭگەنى زاڭسىز اۋدارعان. بۇل تۋرالى «ۆرەميا» گازەتى جازعان بولاتىن، دەپ حابارلايدى “ادىرنا” ۇلتتىق پورتالى.
Arasha.kz مالىمەتىنشە، 5 جىل بويى ۋتيلالىممەن اينالىسىپ كەلگەن «وپەراتور روپ» جشس-نىڭ قالاي جۇمىس ىستەگەنىن تەكسەرىپ جاتقان قۇقىق قورعاۋ ورگاندارىنىڭ العاشقى مالىمەتىنشە، «وپەراتور روپ» جشس قاراعاندىداعى اۆتوموبيل ۋتيليزاتسياسىمەن اينالىساتىن زاۋىتقا 20 ميللياردتان استام تەڭگەنى زاڭسىز اۋدارعان.
قاراعاندىداعى اۆتوموبيل ۋتيليزاتسياسىمەن اينالىساتىن كومپانيا “Recycling Company” جشس دەپ اتالعان. «وپەراتور روپ» جشس ول كومپانياعا 20 ملرد تەڭگەنى بەس جىل ىشىندە اۋدارىپ وتىرعان. ال ۋتيليزاتسيا جاساۋ باعاسى وتە جوعارى كورسەتىلگەن، بۇل ءوز كەزەگىندە اقشا جىمقىرۋعا وڭتايلى بولعان كورىنەدى.
«وپەراتور روپ» جشس ءىسى بويىنشا بىرنەشە ادام قاماۋعا الىنعانى ءمالىم. سولاردىڭ ءبىرى – سۆەتلانا كوروتەنكو (سۋرەتتە), ۋكراينا ازاماتى. ول 2016-2019 جىلدار ارالىعىنا «وپەراتور روپ» جشس-نى باسقارعان. ەڭ قىزىعى، سۆەتلانا كوروتەنكو وعان دەيىن شىعارماشىلىق جۇمىسپەن اينالىسىپ، اقان ساتاەۆ تۇسىرگەن «اناعا جول» ءفيلمىنىڭ پروديۋسەرى بولعان. ال بۇل ءفيلمنىڭ باس پروديۋسەرى ءاليا نازارباەۆا بولعانى ءمالىم.
قاڭتار وقيعاسىنان كەيىن ەكس-پرەزيدەنتتىڭ اۋلەتى ساياسات پەن بيزنەستەن كەتە باستادى. سول كەزدە، ياعني 10 ناۋرىزدا پرەزيدەنت توقاەۆ «وپەراتور روپ» جشس جۇمىسى تۋرالى ايتقان ەدى. كەيىن «وپەراتور روپ» جشس جابىلىپ، كومپانيا ءىسى تەكسەرۋگە الىنعان بولاتىن.
“ادىرنا” ۇلتتىق پورتالى
