Eks-prezidenttıŋ kenje qyzy – Äliia Nazarbaevaǧa tiesılı delınetın «Operator ROP»JŞS Qaraǧandydaǧy avtomobil utilizasiiasymen ainalysatyn zauytqa 20 milliardtan astam teŋgenı zaŋsyz audarǧan. Būl turaly «Vremia» gazetı jazǧan bolatyn, dep habarlaidy “Adyrna” ūlttyq portaly.
Arasha.kz mälımetınşe, 5 jyl boiy utilalymmen ainalysyp kelgen «Operator ROP» JŞS-nyŋ qalai jūmys ıstegenın tekserıp jatqan qūqyq qorǧau organdarynyŋ alǧaşqy mälımetınşe, «Operator ROP» JŞS Qaraǧandydaǧy avtomobil utilizasiiasymen ainalysatyn zauytqa 20 milliardtan astam teŋgenı zaŋsyz audarǧan.
Qaraǧandydaǧy avtomobil utilizasiiasymen ainalysatyn kompaniia “Recycling Company” JŞS dep atalǧan. «Operator ROP» JŞS ol kompaniiaǧa 20 mlrd teŋgenı bes jyl ışınde audaryp otyrǧan. Al utilizasiia jasau baǧasy öte joǧary körsetılgen, būl öz kezegınde aqşa jymqyruǧa oŋtaily bolǧan körınedı.
«Operator ROP» JŞS ısı boiynşa bırneşe adam qamauǧa alynǧany mälım. Solardyŋ bırı – Svetlana Korotenko (surette), Ukraina azamaty. Ol 2016-2019 jyldar aralyǧyna «Operator ROP» JŞS-ny basqarǧan. Eŋ qyzyǧy, Svetlana Korotenko oǧan deiın şyǧarmaşylyq jūmyspen ainalysyp, Aqan Sataev tüsırgen «Anaǧa jol» filmınıŋ prodiuserı bolǧan. Al būl filmnıŋ bas prodiuserı Äliia Nazarbaeva bolǧany mälım.
Qaŋtar oqiǧasynan keiın eks-prezidenttıŋ äuletı saiasat pen biznesten kete bastady. Sol kezde, iaǧni 10 nauryzda prezident Toqaev «Operator ROP» JŞS jūmysy turaly aitqan edı. Keiın «Operator ROP» JŞS jabylyp, kompaniia ısı tekseruge alynǧan bolatyn.
“Adyrna” ūlttyq portaly
