ەۋرازيالىق بانكتىڭ 2018 جىلدان بەرى پروبلەمالىق بورىشكەرىنە اينالعان "Antares Platinum" كومپانيالار توبى بانك الدىنداعى قارىزىن وتەۋدەن جالتارىپ ءجۇر. بۇل تۋرالى "ادىرنا" ۇلتتىق پورتالى جازادى.
ەستەرىڭىزگە سالا كەتەيىك، 2014 جىلى ەۋرازيالىق بانك تاراسوۆ مىرزانىڭ يەلىگىندەگى كومپانيالارعا نەسيە جەلىسىن بەرگەن بولاتىن. ال 2020 جىلعى جەلتوقساننان باستاپ قارىز الۋشىعا سىياقى مەن ءوسىمپۇل ەسەپتەۋدى توقتاتقان ەدى.
كومپانيالار توبىنىڭ زاڭگەرى ۆيكتوريا مەلەنتسوۆا "Antares Platinum" كومپانيالار توبىنىڭ بانك الدىنداعى قارىزى 19 ميلليارد تەڭگەنى قۇرايتىنىن حابارلادى.
كومپانيا ءۇشىن بۇل سومانى اۋىر جانە تىم قوماقتى دەپ سانايدى. كرەديت جەلىسى 2014 جىلى 9 ميلليارد تەڭگە مولشەرىندە اشىلعانىمەن، تولىق يگەرىلمەگەن. قارىز الۋشى دەۆالۆاتسيادان كەيىن قارىزدى وتەۋدە قيىندىقتار پايدا بولعانىن، سونداي-اق ولاردى وزدەرى قاتىسقان كەيبىر مەملەكەتتىك جوبالاردىڭ تۇرالاپ قالۋىمەن بايلانىستىرادى.
ءوز تاراپىنان بانك قارىز الۋشى كومپانيانىڭ قىزمەتىنەن الاياقتىق بەلگىلەرىن اڭعارعان. 19 ميلليارد تەڭگەگە دەيىن وسكەن قارىز ءوسىمپۇلدار مەن ايىپپۇلداردىڭ سەبەبىنەن پايدا بولدى، ويتكەنى سوڭعى بەس جىلدا كومپانيا قارىزىنىڭ ءبىر تيىنىن دا تولەمەگەن بولاتىن.
بانكتىڭ پايىمداۋىنشا، انتارەستىڭ قارىزدى تولەي الماۋى دەۆالۆاتسيا سالدارىنان ەمەس، ول مەملەكەتتىك كەلىسىمشارتتار جاساسقاننان كەيىن ول قاراجاتتى ماقساتسىز پايدالانۋعا جول بەرگەن. اقتوبە وبلىسىنىڭ اكىمدىگى "Antares Platinum" تۋبەركۋلەز ديسپانسەرى قۇرىلىسىن جۇرگىزۋ جونىندەگى مىندەتتەمەلەرىنىڭ ورىندالماعانى ءۇشىن بانكتى 1 ميلليارد تەڭگەدەن استام كەپىلدىك تولەۋگە ءماجبۇر ەتتى. كەيىن بانك بۇل سومانى قارىز الۋشىدان ءوندىرىپ الۋ ءۇشىن سوتقا جۇگىندى جانە قىلمىستىق ءىس قوزعاۋ تۋرالى ءوتىنىش بەردى.
مەلەنتسوۆانىڭ ايتۋىنشا، Antares Platinum كومپانياسىنا سوت شەشىمىمەن وڭالتۋ ۇسىنىلعان، بىراق كومپانيادان 19 ملرد تەڭگە قارىزىنىڭ بار ەكەنىنە كەلىسۋدى تالاپ ەتكەن بانك وعان قول قويعان جوق. كومپانيا ەندى 5 جىل بويى بانك الدىندا قارىزدار بولعاندىقتان، قىزمەتىن دۇرىس جۇرگىزە الماعانىن، ءتىپتى ەل پرەزيدەنتىنە جۇگىنگەنىن العا تارتىپ وتىر.
وسىعان بايلانىستى بانك "Antares Platinum" جشس وكىلدەرىنىڭ جاريا مالىمدەمەلەرىن "Antares Platinum" كومپانيالار توبىنىڭ لاۋازىمدى تۇلعالارىنىڭ بەرەشەكتى تولەۋدەن جانە ازاماتتىق، قىلمىستىق جاۋاپكەرشىلىككە تارتىلۋدان جالتارۋ ءۇشىن سوت، تەرگەۋ ورگاندارى مەن جۇرتشىلىقتى جاڭىلىستىرۋ ماقساتىندا جاساپ وتىرعان كەزەكتى ايلاسى دەپ تۇسىنەتىنىن مالىمدەيدى.
بانكتىڭ ءباسپاسوز قىزمەتىنىڭ حابارلاۋىنشا، بانك قارىز الۋشىمەن ءوزارا قارىم-قاتىناستارىن كرەديتتىك شارتتىڭ تالاپتارىنا جانە قولدانىستاعى قر زاڭناماسىنا سايكەس جۇزەگە اسىرماق.
- "Antares Platinum" تاراپىنان اقتوبە وبلىسىندا الەۋمەتتىك ماڭىزى بار ءىرى جوبا (300 ورىندىق وبلىستىق تۋبەركۋلەزگە قارسى ديسپانسەر-ستاتسيونار) قۇرىلىسىنىڭ كەلىسىمشارتى بويىنشا مەردىگەرلىك مىندەتتەمەلەرىن بۇزۋى ناتيجەسىندە بانك 2019 جىلدىڭ مامىر ايىندا وبلىس اكىمدىگىنە 1 ملرد تەڭگەدەن استام بانك كەپىلدىگىن تولەۋگە ءماجبۇر بولدى. قۇرىلىس جوباسى ىسكە اسىرىلمادى. بۇدان ءارى اتالعان فاكت بويىنشا الماتى قالاسى المالى اۋدانىنىڭ №2 اۋداندىق سوتى قارىز الۋشىدان بانك پايداسىنا بانكتىڭ بەرگەن كەپىلدىگى بويىنشا 1 ملرد تەڭگەدەن استام بەرەشەكتى ءوندىرىپ الۋ تۋرالى شەشىم شىعارىپ، الماتى قالاسى پوليتسيا دەپارتامەنتىندە قر قك 190-بابى (اسا ءىرى مولشەردەگى الاياقتىق) بويىنشا قىلمىستىق ءىس قوزعالىپ، بانك جابىرلەنۋشى جانە ازاماتتىق تالاپكەر دەپ تانىلدى، - دەلىنگەن حابارلامادا.
ەۋرازيالىق بانكتىڭ مالىمدەۋىنشە، "Antares Platinum" كومپانيالار توبى وسى ۋاقىت ىشىندە ءوزىنىڭ قىزمەتىن جۇرگىزىپ وتىردى، بانك الدىنداعى قارىزىن وتەۋ ءۇشىن جەتكىلىكتى اقشالاي قاراجاتى دا بولدى.
- سوت داۋىنا تارتىلا وتىرىپ، قازاقستان وڭىرلەرىندەگى بىرقاتار الەۋمەتتىك ماڭىزى بار وبەكتىلەر قۇرىلىسىنا قاتىستى تەندەرلەردى جەڭىپ الدى. كمپانيا بانكتەن الىنعان كرەديتتىك قاراجاتتى قايتارۋدى قيىنداتۋ ماقساتىندا وزىنە قاتىستى وڭالتۋ ءراسىمىن جۇرگىزۋ تۋرالى وتىنىشپەن سوتقا جۇگىندى. 2021 جىلى سوت ينستانتسيالارى تالاپكەردىڭ تولەمدىك قابىلەتتىلىگىنە بايلانىستى وڭالتۋ ءراسىمىن قولدانۋدان باس تارتۋ جانە ونىڭ كۇشىن جويۋ تۋرالى شەشىم شىعاردى، - دەيدى بانك وكىلدەرى.
سونىمەن قاتار قارىز الۋشىنىڭ كەپىلگەرلەرى كرەديت كەپىلدىكتەرىنىڭ قۇجاتتارىنا جالعان قولدار قويىلعان دەگەن جەلەۋمەن كەپىلدىكتەردى توقتاتۋ تۋرالى تالاپ ارىز بەرىپتى.
- الماتى ق. مەدەۋ اۋداندىق سوتى ساراپتامالاردىڭ ناتيجەلەرىنە سۇيەنە وتىرىپ، قولداردىڭ تۇپنۇسقا ەكەنىن دالەلدەپ، بۇل تالاپ ارىزدى قاناعاتتاندىرۋدان باس تارتتى، بۇل "Antares Platinum" كومپانيالار توبى قارىزىن وتەۋدەن جالتارۋعا ۇمتىلىپ جاتقانىن تاعى ءبىر رەت كورسەتىپ بەردى. بانك "Antares Platinum" جشس وكىلدەرىنىڭ جاريا مالىمدەمەلەرىن "Antares Platinum" كومپانيالار توبىنىڭ لاۋازىمدى تۇلعالارىنىڭ بەرەشەكتى تولەۋدەن جانە ازاماتتىق، قىلمىستىق جاۋاپكەرشىلىككە تارتىلۋدان جالتارۋ ءۇشىن سوت، تەرگەۋ ورگاندارى مەن جۇرتشىلىقتى جاڭىلىستىرۋ ماقساتىندا جاساپ وتىرعان كەزەكتى ايلاسى دەپ تۇسىنەدى. بانك ءوزىنىڭ بەدەلىن قورعاۋ ءۇشىن قۇقىق قورعاۋ ورگاندارى مەن سوت ينستانتسيالارىنا جۇگىنۋ مۇمكىندىگىن قاراستىرۋدا، - دەلىنگەن "ەۋرازيالىق بانك" حابارلاماسىندا.
بانكتىڭ اقپاراتىنا سۇيەنىپ ايتار بولساق، 2020 جىلى قارىز الۋشى 1,2 ملرد.تەڭگەدەن استام مولشەردە پايدا كورگەن، الايدا ونىڭ ءبىر دە ءبىر تيىنىن بانك الدىنداعى بورىشىن وتەۋگە جانە جۇمىسكەرلەرىنە جالاقى تولەۋگە جۇمساماعان. كوپ جىل بۇرىن بانكتەن العان كرەديتتى قايتارماۋعا جانە قۇرىلىستى جۇرگىزبەۋگە بولادى، ءتىپتى بۇل ءۇشىن مەملەكەت باسشىسىنىڭ كومەگىنە جۇگىنۋگە بولادى دەگەن قيسىندارى ەش اقىلعا سىيمايدى.
ەكى بيزنەس سۋبەكتىسىنىڭ داۋ-دامايىن قوعامدىق كەڭىستىككە شىعارۋى پرەزيدەنت جاريالاعان رەفورمالار تولقىنىنداعى اقپاراتتىق سوعىستاردىڭ باستالعانىن كورسەتەدى. ەلدە ەكونوميكالىق كۇيزەلىستەر ورىن الىپ، قازاقستاندىقتار قارجى تۇرعىسىنان قينالىپ جاتقان كەزدە كەيبىر قايىرىمسىز قارىز الۋشىلار قارىزىن قايتارماۋ نەمەسە ونى ازايتۋدى سۇراۋ ءۇشىن جاريا مالىمدەمەلەرى، اشىق حاتتارى جانە پرەزيدەنتكە شاعىمدانۋ ارقىلى پايدا كورۋدىڭ كەز-كەلگەن مۇمكىندىگىن قايتادان پايدالانىپ قالۋعا تىرىسۋدا، - دەلىنگەن حابارلامادا.
ايتا كەتەيىك، بانكتەردىڭ جۇمىسى تۋرالى جاعىمسىز اسەر ادەتتە قارىز الۋشىلاردىڭ شاعىمدارىنان قالىپتاسادى. ەگەر پروبلەمالىق نەسيەلەرمەن بايلانىستى جاعدايدى قاراستىراتىن بولساق، وندا بۇل جەردە دە قارىزدى قايتارۋدى تالاپ ەتەتىن بانك، ەڭ الدىمەن، ءوزىنىڭ باسقا كليەنتتەرىن دە ويلايتىنىن ءتۇسىنۋ ماڭىزدى. ياعني، جوسىقسىز قارىز الۋشىلار ءوز قارىزدارىن ادال ادامدارعا اۋدارادى، ولار قانداي دا ءبىر سەبەپتەرمەن وزدەرى ءۇشىن جانە سول جىگىت ءۇشىن تولەۋى كەرەك. سونىمەن قاتار، بىرەۋ نەسيە بويىنشا تولەگىسى كەلمەگەن كەزدە، ول بانكتەگى دەپوزيتتەرىن ساقتايتىن سالىمشىلاردى الماستىرادى. بۇل قالاي سوندا؟ بارلىعى قاراپايىم – بىرىنشىلەرى قاراجاتتى ۋاقىتىندا قايتارمايدى، ەكىنشىسى ءوز سالىمدارىن ۋاقتىلى الماۋعا تاۋەكەل ەتەدى. ءوز مىندەتتەمەلەرى بويىنشا تاۋەكەلدەرگە جول بەرمەۋ ءۇشىن بانك جوسىقسىز قارىز الۋشىدان قارىزدى ءوندىرىپ الۋ ءۇشىن ءوز قۇقىقتارىن سوتتا قورعاۋعا ءماجبۇر.
ەكىنشىدەن، "Antares" زاڭگەرلەرىنىڭ لوگيكاسى بويىنشا، ولاردىڭ باسشىلارى قول قويعان بانكپەن جاسالعان كەلىسىمدەر ادىلەتسىز. كومپانيانىڭ زاڭگەرى ۆيكتوريا مەلەنتسوۆا سوت بۇل ءىستى قاراعان كەزدە تەك زاڭ بويىنشا ارەكەت ەتىپ قويماي، ادام فاكتورىن دا ەسكەرۋدى ۇسىنادى. ول بانكتىڭ قارىزدى پايىزبەن وتەۋ تۋرالى تالاپتارىن وزبىرلىق دەپ اتايدى. مۇنداي اڭگىمەلەر بىزگە نەسيەگە قالاي جاۋاپكەرشىلىكپەن قاراۋ كەرەكتىگىن ۇيرەتپەيدى. جانە بۇل تەك كومپانيالارعا عانا ەمەس، ادامدارعا دا قاتىستى. ءبىز كەز كەلگەن سەبەپپەن نەسيە الامىز، بىراق ولاردى قالاي قايتارامىز دەپ ويلامايمىز. ادام نەسيە راسىمدەگەندە وزىنە قانداي اۋىرتپالىق تۇسەتىنىن انىق ءتۇسىنۋى كەرەك. ءوزى ءۇشىن عانا ەمەس، جۇمىسشىلارى ءۇشىن دە جاۋاپتى بولۋى ءتيىس كومپانيا باسشىسى نەسيە العاندا بارلىق «پليۋستەرى مەن مينۋستارىن» ودان دا مۇقيات ويلاستىرۋى كەرەك.
"ادىرنا" ۇلتتىق پورتالى
