قارجى مونيتورينگى اگەنتتىگى قايرات بورانباەۆقا قاتىستى ءىستىڭ ءمان-جايىن اشتى. كۇدىكتى دەپ تانىلعان قازاقستاندىق كاسىپكەر 2 ايعا قاماۋعا الىندى، دەپ حابارلايدى "ادىرنا" ۇلتتىق پورتالى.
"قارجى مونيتورينگى اگەنتتىگى كۆازيمەملەكەتتىك سەكتوردا اسا ءىرى مولشەردە قاراجات ۇرلاۋ فاكتىسى بويىنشا قىلمىستىق ءىستى تەرگەپ جاتىر. وسى قىلمىستى جاسادى دەگەن كۇدىكپەن قايرات بورانباەۆ ۇستالىپ، ۋاقىتشا ۇستاۋ يزولياتورىنا قامالدى", - دەلىنگەن اگەنتتىكتىڭ Telegram-ارناداعى حابارلاماسىندا.
17 ناۋرىزدا بورانباەۆقا قاتىستى سوت ەكى اي مەرزىمگە كۇزەتپەن ۇستاۋ تۇرىندەگى بۇلتارتپاۋ شاراسىن سانكتسيالادى.
"تەرگەۋ جالعاسىپ جاتىر. قىجك-ءنىڭ 201-بابىنا سايكەس تەرگەۋ مۇددەسى ءۇشىن باسقا اقپارات جاريا ەتىلمەيدى", - دەپ مالىمدەدى اگەنتتىك وكىلدەرى.
"ادىرنا" ۇلتتىق پورتالى
