Qarjy monıtorıngi agenttigi Qaırat Boranbaevqa qatysty istiń mán-jaıyn ashty. Kúdikti dep tanylǵan qazaqstandyq kásipker 2 aıǵa qamaýǵa alyndy, dep habarlaıdy "Adyrna" ulttyq portaly.
"Qarjy monıtorıngi agenttigi kvazımemlekettik sektorda asa iri mólsherde qarajat urlaý faktisi boıynsha qylmystyq isti tergep jatyr. Osy qylmysty jasady degen kúdikpen Qaırat Boranbaev ustalyp, ýaqytsha ustaý ızolıatoryna qamaldy", - delingen agenttiktiń Telegram-arnadaǵy habarlamasynda.
17 naýryzda Boranbaevqa qatysty sot eki aı merzimge kúzetpen ustaý túrindegi bultartpaý sharasyn sankııalady.
"Tergeý jalǵasyp jatyr. QIJK-niń 201-babyna sáıkes tergeý múddesi úshin basqa aqparat jarııa etilmeıdi", - dep málimdedi agenttik ókilderi.
"Adyrna" ulttyq portaly
