«ادىلدىك جولى» رقب ورال ق. فيليالىمەن ينتەرنەتتەگى اشىق مالىمەتتەردەن مەملەكەتتىك قىزمەتشىگە تەڭەستىرىلگەن تۇلعانىڭ جەكە كاسىپكەرلىكپەن اينالىساتىنى انىقتالدى.
«سىبايلاس جەمقورلىققا قارسى ءىس-قيمىل تۋرالى» زاڭىنىڭ 12-بابىنا ساي، جاۋاپتى مەملەكەتتىك لاۋازىمدى اتقاراتىن ادامداردىڭ، مەملەكەتتىك فۋنكتسيالاردى ورىنداۋعا ۋاكىلەتتىك بەرىلگەن ادامداردىڭ، ولارعا تەڭەستىرىلگەن ادامداردىڭ، لاۋازىمدى ادامداردىڭ، سونداي-اق كورسەتىلگەن فۋنكتسيالاردى ورىنداۋعا ۋاكىلەتتىك بەرىلگەن كانديداتتار بولىپ تابىلاتىن ادامداردىڭ ءوز وكىلەتتىكتەرىن جەكە، توپتىق جانە وزگە دە قىزمەتتىك ەمەس مۇددەلەردە پايدالانۋىنا اكەپ سوعۋى مۇمكىن ارەكەتتەردى جاساۋىنا جول بەرمەۋ ماقساتىندا، وزدەرىنە مەملەكەتتىك فۋنكتسيالاردى ورىنداۋمەن سىيىسپايتىن قىزمەتتى جۇزەگە اسىرۋدا شەكتەۋلەردى قابىلدايدى.
الايدا، جاڭاقالا اۋدانى جاڭاقازان اۋىلدىق وكرۋگىنىڭ اكىمى اليبەك ناريمانوۆيچ لۋكپانوۆتىڭ اتىنا «ەت الۋ ءۇشىن ءىرى قارا مالىن ءوسىرۋ» باعىتى بويىنشا «داۋلەتحان» شارۋا قوجالىعى اشىلعان (https://allcompanies.by/kz/company?query=880102301113_lukpanov-alibek-narimanovich).
22.02.2022 ج. اكىم ا.ن. لۋكپانوۆقا قاتىستى اكىمشىلىك قۇقىق بۇزۋشىلىق تۋرالى كودەكسىنىڭ 154-بابى (قازاقستان رەسپۋبليكاسىنىڭ زاڭناماسىندا كاسiپكەرلiك قىزمەتتi جۇزەگە اسىرۋعا تىيىم سالۋ بەلگiلەنگەن ادامنىڭ وسىنداي قىزمەتپەن اينالىسۋى) بويىنشا اكىمشىلىك ءىس قوزعاۋ ءۇشىن بقو انتيكور قىزمەتىنە حات جولدادىق.
11.03.2022 ج. جاڭاقالا اۋداندىق سوتىنىڭ قاۋلىسىمەن ا.ن. لۋكپانوۆ قاتىستى اقبتك-ءنىڭ 154-بابىمەن كىنالى دەپ تانىلىپ، وعان 428 820 تەڭگە ايىپپۇل سالىندى.
سوتتا ول ءوز كىناسىن تولىق مويىندادى.
باۋىرجان زاكيۇلى
