«Ädıldık joly» RQB Oral q. Filialymen internettegı aşyq mälımetterden memlekettık qyzmetşıge teŋestırılgen tūlǧanyŋ jeke käsıpkerlıkpen ainalysatyny anyqtaldy.
«Sybailas jemqorlyqqa qarsy ıs-qimyl turaly» Zaŋynyŋ 12-babyna sai, jauapty memlekettık lauazymdy atqaratyn adamdardyŋ, memlekettık funksiialardy oryndauǧa uäkılettık berılgen adamdardyŋ, olarǧa teŋestırılgen adamdardyŋ, lauazymdy adamdardyŋ, sondai-aq körsetılgen funksiialardy oryndauǧa uäkılettık berılgen kandidattar bolyp tabylatyn adamdardyŋ öz ökılettıkterın jeke, toptyq jäne özge de qyzmettık emes müddelerde paidalanuyna äkep soǧuy mümkın äreketterdı jasauyna jol bermeu maqsatynda, özderıne memlekettık funksiialardy oryndaumen syiyspaityn qyzmettı jüzege asyruda şekteulerdı qabyldaidy.Alaida, Jaŋaqala audany Jaŋaqazan auyldyq okrugınıŋ äkımı Alibek Narimanovich Lukpanovtyŋ atyna «et alu üşın ırı qara malyn ösıru» baǧyty boiynşa «Daulethan» şarua qojalyǧy aşylǧan (https://allcompanies.by/kz/company?query=880102301113_lukpanov-alibek-narimanovich). 22.02.2022 j. äkım A.N. Lukpanovqa qatysty Äkımşılık qūqyq būzuşylyq turaly Kodeksınıŋ 154-baby (Qazaqstan Respublikasynyŋ zaŋnamasynda käsipkerlik qyzmetti jüzege asyruǧa tyiym salu belgilengen adamnyŋ osyndai qyzmetpen ainalysuy) boiynşa äkımşılık ıs qozǧau üşın BQO Antikor qyzmetıne hat joldadyq. 11.03.2022 j. Jaŋaqala audandyq sotynyŋ qaulysymen A.N. Lukpanov qatysty ÄQBtK-nıŋ 154-babymen kınälı dep tanylyp, oǧan 428 820 teŋge aiyppūl salyndy. Sotta ol öz kınäsın tolyq moiyndady.
Bauyrjan Zakiūly
