«Ádildik joly» RQB Oral q. Fılıalymen ınternettegi ashyq málimetterden memlekettik qyzmetshige teńestirilgen tulǵanyń jeke kásipkerlikpen aınalysatyny anyqtaldy.
«Sybaılas jemqorlyqqa qarsy is-qımyl týraly» Zańynyń 12-babyna saı, jaýapty memlekettik laýazymdy atqaratyn adamdardyń, memlekettik fýnkııalardy oryndaýǵa ýákilettik berilgen adamdardyń, olarǵa teńestirilgen adamdardyń, laýazymdy adamdardyń, sondaı-aq kórsetilgen fýnkııalardy oryndaýǵa ýákilettik berilgen kandıdattar bolyp tabylatyn adamdardyń óz ókilettikterin jeke, toptyq jáne ózge de qyzmettik emes múddelerde paıdalanýyna ákep soǵýy múmkin áreketterdi jasaýyna jol bermeý maqsatynda, ózderine memlekettik fýnkııalardy oryndaýmen syıyspaıtyn qyzmetti júzege asyrýda shekteýlerdi qabyldaıdy.
Alaıda, Jańaqala aýdany Jańaqazan aýyldyq okrýginiń ákimi Alıbek Narımanovıch Lýkpanovtyń atyna «et alý úshin iri qara malyn ósirý» baǵyty boıynsha «Daýlethan» sharýa qojalyǵy ashylǵan (https://allcompanies.by/kz/company?query=880102301113_lukpanov-alibek-narimanovich).
22.02.2022 j. ákim A.N. Lýkpanovqa qatysty Ákimshilik quqyq buzýshylyq týraly Kodeksiniń 154-baby (Qazaqstan Respýblıkasynyń zańnamasynda kásipkerlik qyzmetti júzege asyrýǵa tyıym salý belgilengen adamnyń osyndaı qyzmetpen aınalysýy) boıynsha ákimshilik is qozǵaý úshin BQO Antıkor qyzmetine hat joldadyq.
11.03.2022 j. Jańaqala aýdandyq sotynyń qaýlysymen A.N. Lýkpanov qatysty ÁQBtK-niń 154-babymen kináli dep tanylyp, oǵan 428 820 teńge aıyppul salyndy.
Sotta ol óz kinásin tolyq moıyndady.
Baýyrjan Zakıuly
