بۇل جىگىتتەردى بوتا تىرسەك بوزبالا كەزىنەن بىلەدى ەكەم. سول جىلداردا ۇشەۋى دە الاتاۋدىڭ يىعىنا اق تاڭ اسىلعانشا ۇيىقتاي قويمايتىن الا وكپە ستۋدەنتتەر ەدى. سۆەتقالي نۇرجان كازگۋ-دە، ديحان قامزابەكۇلى كازپي-دە، كارىمبەك قۇرماناليەۆ الماتى شەت تىلدەر ينستيتۋتىندا وقيتىن جۇقالتاڭ جىگىتتەر بولاتىن. ۇسىنىلعان سۋرەتتەرگە زەر سالىڭىزشى. مەن تانىسقان تۇستاعى ولاردىڭ ءتۇر-الپەتتەرى وسىنداي-دى... بۇلارمەن ارالاس-قۇرالاس جۇرگەنىمە قىرىق جىلدان اسىپتى. ۇشەۋى دە جۇزدەن جۇيرىك شىقتى. سۆەتقالي تۇساۋعا كونبەيتىن اساۋ جىردىڭ جالىنان ۇستادى. ديحان بالا كەزىنەن الىس جولعا شىعىپ، شەجىرەلى شاھارلاردى ارالاپ، ءارحيۆتىڭ شاڭىنا كومىلدى. كارىمبەك ءتىل ءبىلىمىنىڭ تىرلىگىنە تاعدىرىن بايلادى. ەندى مىنە... سۆەتقالي جىرى كەستەلى، ءتىلى دەستەلى كورنەكتى اقىنعا، ءسوزى ءۋالى، اۋىزى دۋالى اقىلمان ابىزعا اينالدى. ال ديحان مەن كارىمبەك ۇلتتىق عىلىم اكادەمياسىنىڭ اكادەميگى اتاندى. ءبىرى ادەبيەتتانۋدىڭ الەۋەتىن ارتتىرۋعا، ەكىنشىسى ءتىلتانۋدىڭ تانىمىن كەڭەيتۋگە بارىنشا ۇلەس قوسىپ كەلەدى.
بۇگىن مەملەكەت باسشىسىنىڭ جارلىعىمەن سۆەتقالي نۇرجان "وتان" وردەنىمەن، ديحان قامزابەكۇلى ءۇشىنشى دارەجەلى "بارىس" وردەنىمەن، كارىمبەك قۇرماناليەۆ "پاراسات" وردەنىمەن ماراپاتتالدى.
تۇلپارلىعى تاي كۇنىنەن تانىلعان، ۇلگىسى مول ءۇش دوسىما شىن جۇرەكتەن قۇتتى بولسىن ايتامىن!
باۋىرجان ومارۇلى
