Bul jigitterdi bota tirsek bozbala kezinen biledi ekem. Sol jyldarda úsheýi de Alataýdyń ıyǵyna aq tań asylǵansha uıyqtaı qoımaıtyn ala ókpe stýdentter edi. Svetqalı Nurjan KazGÝ-de, Dıhan Qamzabekuly KazPI-de, Kárimbek Qurmanálıev Almaty shet tilder ınstıtýtynda oqıtyn juqaltań jigitter bolatyn. Usynylǵan sýretterge zer salyńyzshy. Men tanysqan tustaǵy olardyń túr-álpetteri osyndaı-dy... Bularmen aralas-quralas júrgenime qyryq jyldan asypty. Úsheýi de júzden júırik shyqty. Svetqalı tusaýǵa kónbeıtin asaý jyrdyń jalynan ustady. Dıhan bala kezinen alys jolǵa shyǵyp, shejireli shaharlardy aralap, arhıvtiń shańyna kómildi. Kárimbek til biliminiń tirligine taǵdyryn baılady. Endi mine... Svetqalı jyry kesteli, tili desteli kórnekti aqynǵa, sózi ýáli, aýyzy dýaly aqylman abyzǵa aınaldy. Al Dıhan men Kárimbek Ulttyq ǵylym akademııasynyń akademıgi atandy. Biri ádebıettanýdyń áleýetin arttyrýǵa, ekinshisi tiltanýdyń tanymyn keńeıtýge barynsha úles qosyp keledi.
Búgin Memleket basshysynyń jarlyǵymen Svetqalı Nurjan "Otan" ordenimen, Dıhan Qamzabekuly úshinshi dárejeli "Barys" ordenimen, Kárimbek Qurmanálıev "Parasat" ordenimen marapattaldy.
Tulparlyǵy taı kúninen tanylǵan, úlgisi mol úsh dosyma shyn júrekten qutty bolsyn aıtamyn!
Baýyrjan Omaruly
