الماتىلىق وقۋشىلار ۆولەيبولدان وتكەن رەسپۋبليكالىق تۋرنيردە جەڭىسكە جەتتى، دەپ حابارلايدى "ادىرنا" ۇلتتىق پورتالى.
مەملەكەت باسشىسى قاسىم-جومارت توقاەۆ «2022 جىل – بالالار جىلى» دەپ جاريالاعان بولاتىن. وسىعان وراي ۇلىستىڭ ۇلى كۇنى قارساڭىندا مەكتەپ وقۋشىلارى اراسىندا ۆولەيبولدان رەسپۋبليكالىق تۋرنير ءوتتى. قازاقستان ۆولەيبول فەدەراتسياسى مەن «ءبىلىم-يننوۆاتسيا» حقق-نىڭ ۇيىمداستىرۋىمەن وتكەن رەسپۋبليكالىق تۋرنيردە رەسپۋبليكانىڭ تۇكپىر-تۇكپىرىنەن جينالعان وقۋشىلار ءوزارا سايىسقا ءتۇستى. رەسپۋبليكالىق جارىس 19 مەكتەپتىڭ اراسىندا ءوتتى. مۇنداي يگى ءىس-شاراعا «ءبىلىم-يننوۆاتسيا» حقق مۇرىندىق بولىپ وتىر.
جاسوسپىرىمدەر اراسىندا سالاۋاتتى ءومىر سالتىن كەڭىنەن ناسيحاتتالۋىنا جانە وقۋشىلار اراسىنداعى دوستىق قارىم-قاتىناستى نىعايتۋعا مۇنداي تۋرنيرلەر وڭ اسەر ەتپەك دەيدى ۇيىمداستىرۋشىلار.
«قازىرگى ۋاقىتتا شەتەلدەگى ەڭ مىقتى جوو بالالاردىڭ تەك ءبىلىم دەڭگەيىنە عانا ەمەس، جان-جاقتىلىعىنا باسا نازار اۋدارادى. سپورتتاعى جەتىستىكتەرىنە بايلانىستى شەتەلدىڭ ەڭ بەدەلدى جوو ءبىلىم گرانتتارىن جەڭىپ العان وقۋشىلارىمىز جەتەرلىك. ءارى بۇل ۇلكەن موتيۆاتسيا. «ءبىلىم-يننوۆاتسيا» حقق-نا قاراستى ليتسەي وقۋشىلارى تەك ءبىلىم وليمپيادالارىندا عانا جەتىستىككە جەتكەن جوق. تەكبول، فۋتبول، تەكۆاندو، قازاق كۇرەسى سياقتى قالالىق، رەسپۋبليكالىق جارىستاردان جۇلدەلى ورىنداردى يەلەندى. سالاۋاتتى ءومىر سالتى مەكتەپتەردى وتە جوعارى دەڭگەيدە ناسيحاتتالادى. وزدەرىڭىزگە ءمالىم، بيىل «بالالار جىلى» دەپ جاريالاندى. جىل سوڭىنا دەيىن رەسپۋبليكالىق دەڭگەيدى بىرنەشە ءىس-شارانى وتكىزۋدى جوسپارلاپ وتىرمىز»، – دەدى «ءبىلىم-يننوۆاتسيا» حقق ۆيتسە-پرەزيدەنتى نۇربول تولەباەۆ.
ەكى كۇنگە سوزىلعان رەسپۋبليكالىق تۋرنيردە الماتى بيل وقۋشىلارى باس جۇلدەنى جەڭىپ الدى. «اۋىسپالى كۋبوككە» قول جەتكىزگەن الماتى بيل كومانداسىنىڭ ويىنشىسى الي تۇرسىن جارىستان العان اسەرىن ءبولىستى.
«ارينە، قۋانىشىمدا شەك جوق. بۇل – ۇيىمشىل ءارى مىقتى كوماندانىڭ جەڭىسى. بىلتىر وسى كۋبوكتى پاۆلودارلىق وقۋشىلار جەڭىپ العان. بيىل تاۋەلسىزدىكتىڭ بەسىگى – الماتىعا قايتارىپ الدىق. ۇستازدارىما، باپكەرىمە، ۇيىمداستىرۋشىلارعا العىس ايتامىن. وقۋشىلار اراسىندا تەك ءوي(بىلىم) جارىس قانا ەمەس، سپورتاكيادالار دا ءوتىپ تۇرعانى دۇرىس. دەنەنىڭ ساۋلىعى بارىنەن ماڭىزدى عوي. اتا-انالارىمىز قۋانىپ قالاتىن بولدى»، – دەدى الي تۇرسىن.
رەسپۋبليكالىق ءتۋرنيردىڭ ناتيجەسى بويىنشا:
1-ورىن: الماتى بيل
2-ورىن: ەكىباستۇز بيل
2-ورىن: تاراز بيل
3-ورىن: وسكەمەن قالاسىنداعى جامبىل اتىنداعى گيمنازيا
3-ورىن: شىمكەنت بيل
3-ورىن: جامبىل يننوۆاتسيالىق جوعارعى كوللەدج
قىزدار اراسىندا وتكەن جارىستا قىز بالالارعا شىمكەنت بيل باس جۇلدەنى يەلەندى. جارىس ناتيجەسى تومەندەگىدەي:
1-ورىن: شىمكەنت بيل
2-ورىن: تاراز بيل
2-ورىن: نۇر-سۇلتان بيل
3-ورىن: پاۆلودار بيل
3-ورىن: اقتوبە بيل
3-ورىن: اقتوبە بيل
3-ورىن: قاراعاندى بيل
سونداي-اق تۋرنير سوڭىندا ۇزدىك ويىنشىلار دا ماراپاتتالدى.
«ۇزدىك توسقاۋىلشى» – ارلەن بايبوسىن
«ۇزدىك ۇلەستىرۋشى» – سەرىك تامەرلان
«ۇزدىك شابۋىلشى» – يناياتۋللا مۇحاممەت
«ۇزدىك ويىنشى» – اسىلباي باعجان
«ۇزدىك باپكەر» – دانابەك قۋاتباي
"ادىرنا" ۇلتتىق پورتالى
