مارجان اكىمجانوۆا پرەزيدەنت ءىس باسقارۋشىسىنىڭ ورىنباسارى بولىپ تاعايىندالدى. بۇل تۋرالى اقوردا سايتىندا جاريالاندى، دەپ جازادى "ادىرنا" ۇلتتىق پورتالى.
- مەملەكەت باسشىسىنىڭ وكىمىمەن مارجان ابدىيۋسۋپقىزى اكىمجانوۆا قازاقستان رەسپۋبليكاسى پرەزيدەنتى ءىس باسقارۋشىسىنىڭ ورىنباسارى بولىپ تاعايىندالدى، ول قازاقستان رەسپۋبليكاسى پرەزيدەنتىنىڭ كەڭەسشىسى لاۋازىمىنان بوساتىلدى، دەلىنگەن حابارلامادا.
اكىمجانوۆا مارجان ابدىيۋسۋپقىزى 1971 جىلى 19 ماۋسىمدا الماتى وبلىسى نارىنقول اۋدانى شالكودە اۋىلىندا دۇنيەگە كەلدى.
1999 جىلى قازاق مەملەكەتتىك قىزدار پەداگوگيكالىق ينستيتۋتىن ءبىتىردى.
اكىمجانوۆا مارجان ەڭبەك جولىن قازاقستان رەسپۋبليكاسى عىلىم اكادەمياسىنىڭ مەحانيكا جانە ماشيناتانۋ ينستيتۋتىنىڭ زەرتحاناشىسىنان باستاپ، 1991-1993 جىلدارى شارۋاشىلىق مەڭگەرۋشىسى، كادر ءبولىمىنىڭ ينسپەكتورى;
1993-1995 جىلدارى قازاقستان رەسپۋبليكاسى جوعارى كەڭەسىنىڭ رەداكتسيالىق-باسپا قىزمەتىنىڭ مامانى;
1995 جىلى قازاقستان رەسپۋبليكاسى مينيسترلەر كابينەتى اپپاراتىنىڭ ىشكى ساياسات ءبولىمىنىڭ مامانى;
1995-1997 جىلدارى قازاقستان رەسپۋبليكاسى ۇكىمەت اپپاراتىنىڭ اۋماقتىق دامۋ ءبولىمىنىڭ مامانى;
1997-2012 جىلدارى قازاقستان رەسپۋبليكاسى پرەزيدەنتىنىڭ ءباسپاسوز قىزمەتىندە اعا مامان، رەفەرەنت، اعا رەفەرەنت، ساراپشى، اعا ساراپشى، باس ساراپشى، كونسۋلتانت، سەكتور مەڭگەرۋشىسى قىزمەتتەرىن اتقاردى.
2012-2021 جىلدار ارالىعىندا قازاقستان رەسپۋبليكاسى پرەزيدەنتىنىڭ ءباسپاسوز حاتشىسىنىڭ ورىنباسارى بولدى.
2021 جىلعى 4 اقپاندا مەملەكەت باسشىسىنىڭ وكىمىمەن قازاقستان رەسپۋبليكاسى پرەزيدەنتىنىڭ كەڭەسشىسى قىزمەتىنە تاعايىندالعان.
"قۇرمەت" وردەنىمەن، "ەرەن ەڭبەگى ءۇشىن" مەدالىمەن، پرەزيدەنت اكىمشىلىگىنىڭ ء"مىنسىز قىزمەتى ءۇشىن" توسبەلگىسىمەن ماراپاتتالعان.
"ادىرنا" ۇلتتىق پورتالى
