Marjan Äkımjanova Prezident Is basqaruşysynyŋ orynbasary bolyp taǧaiyndaldy. Būl turaly Aqorda saitynda jariialandy, dep jazady "Adyrna" ūlttyq portaly.
- Memleket basşysynyŋ ökımımen Marjan Äbdıiusupqyzy Äkımjanova Qazaqstan Respublikasy Prezidentı Is basqaruşysynyŋ orynbasary bolyp taǧaiyndaldy, ol Qazaqstan Respublikasy Prezidentınıŋ keŋesşısı lauazymynan bosatyldy, delıngen habarlamada.Äkımjanova Marjan Äbdıiusupqyzy 1971 jyly 19 mausymda Almaty oblysy Narynqol audany Şalköde auylynda düniege keldı. 1999 jyly Qazaq memlekettık qyzdar pedagogikalyq institutyn bıtırdı. Äkımjanova Marjan eŋbek jolyn Qazaqstan Respublikasy Ǧylym akademiiasynyŋ Mehanika jäne maşinatanu institutynyŋ zerthanaşysynan bastap, 1991-1993 jyldary şaruaşylyq meŋgeruşısı, kadr bölımınıŋ inspektory; 1993-1995 jyldary Qazaqstan Respublikasy Joǧary Keŋesınıŋ redaksiialyq-baspa qyzmetınıŋ mamany; 1995 jyly Qazaqstan Respublikasy Ministrler kabinetı apparatynyŋ ışkı saiasat bölımınıŋ mamany; 1995-1997 jyldary Qazaqstan Respublikasy Ükımet Apparatynyŋ Aumaqtyq damu bölımınıŋ mamany; 1997-2012 jyldary Qazaqstan Respublikasy Prezidentınıŋ Baspasöz qyzmetınde aǧa maman, referent, aǧa referent, sarapşy, aǧa sarapşy, bas sarapşy, konsultant, sektor meŋgeruşısı qyzmetterın atqardy. 2012-2021 jyldar aralyǧynda Qazaqstan Respublikasy Prezidentınıŋ Baspasöz hatşysynyŋ orynbasary boldy. 2021 jylǧy 4 aqpanda Memleket basşysynyŋ Ökımımen Qazaqstan Respublikasy Prezidentınıŋ Keŋesşısı qyzmetıne taǧaiyndalǧan. "Qūrmet" ordenımen, "Eren eŋbegı üşın" medalımen, Prezident Äkımşılıgınıŋ "Mınsız qyzmetı üşın" tösbelgısımen marapattalǧan.
"Adyrna" ūlttyq portaly
