Memleket basşysy Qasym-Jomart Toqaev Ūlttyq qauıpsızdık komitetınıŋ töraǧasy Ermek Saǧymbaevty qabyldady, dep habarlaidy "Adyrna" ūlttyq portaly.
Senbı, 25 qazandaǧy kezdesu barysynda vedomstvonyŋ biylǧy atqarǧan jūmystarynyŋ nätijelerı men aldaǧy josparlary talqylandy.
Kezdesu soŋynda Prezident Qasym-Jomart Toqaev ūlttyq qauıpsızdık organdarynyŋ qyzmetın küşeituge baǧyttalǧan bırqatar naqty tapsyrma berdı.
Kezdesuden keiın Memleket basşysynyŋ ökımımen Qanatai Dalmatov ŪQK töraǧasynyŋ orynbasary qyzmetınen bosatylǧany belgılı boldy.
Qanatai Dalmatov 2024 jyldyŋ qazan aiynan berı Ūlttyq qauıpsızdık komitetı töraǧasynyŋ orynbasary lauazymynda bolǧan. Būǧan deiın ol 2023–2024 jyldary Qazaqstan Qaruly küşterınıŋ Bas barlau basqarmasynyŋ bastyǧy qyzmetın atqarǧan, al 2000–2023 jyldar aralyǧynda ūlttyq qauıpsızdık organdarynda jäne Şekara qyzmetınde jedel jäne basşylyq lauazymdarda qyzmet etken.
ŪQK töraǧasynyŋ orynbasary qyzmetıne Marat İrmenov taǧaiyndaldy.
2022 jyldyŋ qaŋtar aiynda Marat İrmenov Almaty qalasy boiynşa Ūlttyq qauıpsızdık komitetı departamentınıŋ bastyǧy bolyp taǧaiyndalǧan. Būǧan deiın, 2020 jyldyŋ aqpanynan bastap, ol Jambyl oblysy boiynşa ŪQK departamentınıŋ bastyǧy qyzmetın atqarǧan.
Būl lauazymǧa ol Qordai audanyndaǧy tärtıpsızdıkterden keiın taǧaiyndalǧan edı.
2016–2020 jyldar aralyǧynda İrmenov Aqtöbe oblysy boiynşa ŪQK departamentınıŋ bastyǧy boldy. Oǧan deiın Almaty qalasy boiynşa ŪQK departamentı bastyǧynyŋ bırınşı orynbasary qyzmetın atqarǧan.
