ەلباسى ن.ءا. نازارباەۆتىڭ «بولاشاققا باعدار: رۋحاني جاڭعىرۋ» اتتى ماقالاسىنا وراي
رۋحاني جاڭعىرۋ – ۇلتتىڭ ۇلى مۇراتى! ۇلى مۇرات جولىندا تىزە قوسىپ، ءىس قىلۋ – ءبىزدىڭ پەرزەنتتىك ءھام ازاماتتىق ۇلى بورىشىمىز. ال بۇل ساپاردا جولىمىزعا قاقپان قۇرىپ، اياقتان شالۋشىلار – قازاقستاننىڭ حاس جاۋى.
رۋحاني جاڭعىرۋ
شىڭعا بيىك ەل كوز تىكسە اسقارلى،
شايىر جازباي، كىم جازادى داستاندى؟!
ءسۇيىنشى، الاش!
تاريحىڭدا تولعاۋلى
رۋح جاڭعىرار جاڭا ءداۋىر باستالدى!
كوك تۇرىكتىڭ ۇرپاعىنا، ۋا، قۇتتى
تۋ كوتەرەر تاعى ءبىر تاڭ اتىپتى.
جولىن تاپپاي، قاڭعىرعان ەل قانشاما،
كودىن ساقتاي، جاڭعىرعان ەل باقىتتى.
بۇل جاڭعىرۋ – ورگە باستاۋ ۇلتىمدى،
بۇل جاڭعىرۋ – تورگە باستاۋ عۇرپىمدى.
ۇلتتىق كودىم – مەنىڭ ۇلتتىق قۇلپىم،
كىم كورىنگەن قولدى ەتپەسىن كىلتىمدى.
بۇل جاڭعىرۋ – ۇلىلاردى ۇلىقتاۋ،
ۇلى ابايدىڭ دانالىعىن ۇمىتپاۋ.
«كىسەن اشىپ» قۇرمانعازى كۇيىمەن،
بولمىسىمدى بۇلجىماستاي قۇلىپتاۋ.
بۇل جاڭعىرۋ – كەمەلدەنىپ جاڭعىرۋ،
كەۋدە سوققان كۇللى الەمدى تاڭ قىلۋ.
جىر الىبى جامبىلداردى جىر قىلۋ،
ءان الىبى شامشىلەردى ءان قىلۋ.
بۇل جاڭعىرۋ – باستاماسى عاجاپتىڭ،
بۇل جاڭعىرۋ – استاناسى ءلاززاتتىڭ.
جالعانى كوپ ساحناسىندا جاھاننىڭ
مادەنيەتىن مويىنداتۋ قازاقتىڭ.
بۇل جاڭعىرۋ – تاريحي ءسات ساۋاپتى،
ساۋاپتى ىسكە ءبارىمىز دە جاۋاپتى:
تۇلپارىمىز وزسىن دەسەك بايگەدە،
ۇرپاعىمىز بولسىن دەسەك ساۋاتتى.
بۇل جاڭعىرۋ – تۋعان جەردى تۇلەتۋ،
ەن دالانىڭ كەڭ قۇشاعىن گۇل ەتۋ.
شىعىس، باتىس، وڭتۇستىك پەن سولتۇستىك
– بار قازاقتىڭ ارمان-جىرىن ءبىر ەتۋ.
اسۋدى اسىپ قازاقستان – ارداعىم،
اسپانمەنەن استاسىپ تۇر ارمانىم.
ەر باستادى! ەل قوستادى! جارىلقا!
ءتاڭىر يەم، تۋعان ەلدىڭ باعدارىن!
سەرىك سەيىتمان اقىن،
«جاس تۇلپار-2014» سىيلىعىنىڭ يەگەرى.
