ەل رامىزدەرىنە قۇرمەت – ەلجاندىلىقتىڭ ايعاعى

پاتريوتيزم، بىرلىك پەن تۇراقتىلىق – قازاقستاننىڭ دامۋى مەن وركەندەۋىنىڭ باستى رۋحاني تىرەكتەرى. بۇل قۇندىلىقتار – ۇلتتىڭ ىرگەسىن بەكىتەتىن، ەل بولاشاعىن ايقىندايتىن ماڭگىلىك باعىت. پاتريوتيزم – وتانعا دەگەن شەكسىز سۇيىسپەنشىلىك، تۋعان جەردىڭ تاعدىرىنا جاۋاپكەرشىلىكپەن قاراۋ، حالىققا ادال قىزمەت ەتۋ جانە ەلدىڭ جەتىستىگىنە قۋانا ءبىلۋ.
 
​پرەزيدەنت قاسىم-جومارت توقاەۆ ءوز سوزىندە: ء«بىزدىڭ ەڭ باستى بايلىعىمىز – ەل بىرلىگى مەن قوعامدىق كەلىسىم» دەپ اتاپ وتكەن. بۇل قاعيدا ءاربىر قازاقستاندىقتىڭ ومىرلىك ۇستانىمىنا اينالۋى ءتيىس. سەبەبى بىرلىك پەن تۇراقتىلىقسىز ەلدىڭ دامۋى مۇمكىن ەمەس. بىرلىك بار جەردە تاتۋلىق پەن ءوزارا تۇسىنىستىك، ال تۇراقتىلىق بار جەردە بەيبىت ءومىر مەن سەنىمدى بولاشاق قالىپتاسادى.
​مەملەكەتتىك رامىزدەرگە قۇرمەت كورسەتۋ – وسى قۇندىلىقتاردىڭ ايقىن كورىنىسى. تۋ، ەلتاڭبا جانە ءانۇران – قازاقستاننىڭ تاۋەلسىزدىگى مەن ەگەمەندىگىنىڭ، ۇلتتىق بىرەگەيلىگى مەن ەلدىك رۋحىنىڭ باستى نىشاندارى. ولار حالقىمىزدىڭ تاريحىن، ەرلىك ءداستۇرىن جانە مەملەكەتىمىزدىڭ بولاشاعىنا دەگەن سەنىمىن بەينەلەيدى. سوندىقتان ءاربىر ازامات مەملەكەتتىك رامىزدەرگە قۇرمەتپەن قاراپ، ولاردى قورعاۋ مەن دارىپتەۋدى ءوزىنىڭ ازاماتتىق بورىشى دەپ ءبىلۋى قاجەت.
​جىل سايىن 4 ماۋسىم – مەملەكەتتىك رامىزدەر كۇنى رەسپۋبليكا كولەمىندە كەڭىنەن اتالىپ وتەدى. بۇل كۇن ەلىمىزدە وتانسۇيگىشتىك پەن ۇلتتىق ماقتانىش سەزىمىن ارتتىرۋدىڭ ەرەكشە مەرەكەسىنە اينالعان. وسى ورايدا ەلىمىزدىڭ بارلىق وڭىرلەرىندە ءتۇرلى مادەني-بۇقارالىق جانە تاربيەلىك ءىس-شارالار ۇيىمداستىرىلىپ، جاستاردىڭ بويىندا پاتريوتتىق سانا مەن ەلگە دەگەن سۇيىسپەنشىلىك سەزىمىن قالىپتاستىرۋعا باعىتتالعان جۇمىستار جۇيەلى تۇردە جۇرگىزىلۋدە.
​وسى رەتتە باتىس قازاقستان وبلىسىنىڭ قوعامدىق دامۋ باسقارماسى باسشىسى دارحان قانىبەكۇلى قادراليەۆ وڭىردە اتقارىلىپ جاتقان جۇمىستار تۋرالى ايتتى: –بۇگىنگى تاڭدا ءبىزدىڭ باستى ماقساتىمىز – قوعامدا پاتريوتتىق سانا مەن ۇلتتىق بىرەگەيلىكتى نىعايتۋ. جاستارعا مەملەكەتتىك رامىزدەردىڭ ءمانى مەن ماڭىزىن ءتۇسىندىرۋ، ەلدىڭ تاريحى مەن مادەنيەتىن قۇرمەتتەۋگە باۋلۋ – ازاماتتىق تاربيەنىڭ نەگىزگى باعىتى بولىپ تابىلادى. بىرلىك پەن تۇراقتىلىق – كەز كەلگەن تابىستىڭ كىلتى. سوندىقتان ءبىز قوعامداعى كەلىسىم مەن تاتۋلىقتى ساقتاۋ باعىتىندا تۇراقتى تۇردە اقپاراتتىق-ءتۇسىندىرۋ جانە تاربيەلىك جۇمىستار جۇرگىزىپ كەلەمىز. جىل بويى جاستارمەن ەلىمىزدىڭ كوك تۋىن الەم ارەناسىندا جەلبىرەتىپ جۇرگەن تانىمال سپورتشىلار مەن ونەر يەلەرىمەن كەزدەسۋلەر ۇيىمداستىرىلىپ، مەملەكەتتىك رامىزدەرگە دەگەن قۇرمەت پەن ماقتانىش سەزىمىن ارتتىرۋ باعىتىندا جۇيەلى جۇمىستار اتقارىلۋدا، – دەدى دارحان قانىبەكۇلى.
​پاتريوتتىق تاربيە – ۇلت بولاشاعىنىڭ كەپىلى. جاستاردىڭ ەل تاعدىرىنا بەيجاي قاراماي، قوعامدىق ومىرگە بەلسەنە ارالاسۋى – ناعىز ازاماتتىق ۇستانىمنىڭ كورىنىسى. ولاردىڭ بويىندا ەلجاندىلىقتى، جاۋاپكەرشىلىكتى جانە بىرلىك رۋحىن قالىپتاستىرۋ – مەملەكەت پەن قوعامنىڭ ورتاق مىندەتى.
​پاتريوتيزم – ەلگە دەگەن سۇيىسپەنشىلىكتىڭ، بىرلىك – حالىق تاتۋلىعىنىڭ، ال تۇراقتىلىق – مەملەكەتتىڭ دامۋى مەن وركەندەۋىنىڭ كەپىلى. وسى ءۇش قۇندىلىق ءوزارا ۇيلەسىم تاپقاندا عانا ەلىمىزدىڭ ىرگەسى بەرىك بولىپ، قازاقستاننىڭ بولاشاعى جارقىن، كەلەشەگى كەمەل بولماق.