پرەزيدەنت ۆلاديمير زەلەنسكي وسىنداي قيىن جاعدايعا قاراماستان ۋكرايندىقتاردىڭ باتىل كۇرەسكەنىن اتاپ ءوتىپ، "ۋكراينادا ءبارى بۇرىنعى قالپىندا، ءومىر جالعاسۋدا" دەپ ءوزىنىڭ Telegram-كانالىندا سوعىس كەزىندە تۇسىرىلگەن سۋرەتتەردى جاريالادى. بۇل تۋرالى "ادىرنا" ۇلتتىق پورتالى حابارلايدى.
ء"بىز جاۋ ويلاعاننان گورى بىرنەشە ەسە قيىندىقتارعا توتەپ بەردىك. سەن ءوز جەرىڭدە بولساڭ، ساعان ءبارى كومەكتەسەدى. جەردىڭ ءوزى دە، وزەندەرى دە، ءار ادامى دا... بارلىعى، ءتىپتى بۇرىن سەن كۇتپەگەندەر جاندار دا...", - دەپ جازدى ۋكراينا پرەزيدەنتى.
زەلەنسكي جاريالاعان سۋرەتتەردە ۋكراينانىڭ قاھارمان قورعاۋشىلارى، ەسكەرتكىشتەردى ساقتاۋعا كومەكتەسۋ ءۇشىن ءوز ومىرلەرىن قاتەرگە تىككەن ەرىكتىلەر، بەيبىت ۋكرايندار جانە بومبا قويمالارىنا وتىرۋعا ءماجبۇر بولعان بالالار بەينەلەنگەن.
"ادىرنا" ۇلتتىق پورتالى
