اتاقتى رەجيسسەر اسقار توقپانوۆ پەن تانىمال اقىن اسقار كىرەباەۆتىڭ سىر بويىندا جولى تۇيىسكەن تۇس. تاعى ءبىر اسقار تاۋ - اسقار توقماعامبەتوۆتىڭ ەلىندەگى جۇزدەسۋ... مۇنداي اسەرلى ءساتتى ءابجىل ءفوتوتىلشى بولات وماراليەۆ قالت جىبەرگەن بە؟!
اعا مەن ءىنى... ىرىلىك پەن ىزەتتىلىك. اعىلعان بۇلاق پەن تىڭدايتىن قۇلاق... زەردە مەن زەيىن... مىنەز بەن مارتتىك... قوڭىر ءۇن مەن قوڭىر مۇڭ... تالانتتىڭ توعىسۋى مەن ونەردىڭ ءوبىسۋى... قىسقاسى، ءبارى بار بۇل سۋرەتتە... توپشىسى قاتتى توقپانوۆتىڭ ءور داۋسى قۇلاعىڭا كەلەدى، ءۇنسىز وتىرعان كىشىپەيىل كىرەباەۆتىڭ دەمىنە دەيىن ەستىلەدى... سونىڭ ءبارىن ءبىر كادرعا سىيعىزباسا، بولات اعا بولا ما؟!
اسپانمەنەن ۇندەسكەن،
اسقار تاۋلار تىلدەسكەن....
باۋىرجان ومارۇلى
