رەسەي باسقىنشىلارى ۋكرايناعا باسىپ كىردى. قارۋلى قاقتىعىستارمەن قوسا اقپاراتتىق سوعىس تا بولىپ جاتقاندىعى بارلىعىنا بەلگىلى. ال اقپاراتتىق سوعىستا تسيفرلاردىڭ بۇرمالانۋى تاڭعالاتىن نارسە ەمەس. ەندەشە بۇگىن ۋكراينا، رەسەي بيلىگىنىڭ بەرگەن اقپاراتتارى مەن تاۋەلسىز ساراپشىلاردىڭ اقپاراتتارىن ساراپتايتىن بولامىز.
ۋكرينا بيلىگى 24-اقپاننان بەرى بەلسەندى تۇردە رەسەي باسقىنشىلارىنىڭ اسكەري شىعىندارىن جاريالاۋدا. ۋكراينا بيلىگىنىڭ 17- ناۋرىزداعى ستاتيستيكاسىنا سەنسەك رەسەي تاراپىنان قازا تاپقانداردىڭ سانى 14 000 اسكەريدى قۇرايدى. ونىڭ ىشىندە: 88 ۇشاق، 108 تىكۇشاق، 11 تاكتيكالىق دەڭگەيدەگى ۇشقىشسىز ۇشۋ اپپاراتتارى، 43 اۋە شابۋىلىنا قارسى قورعانىس جۇيەسى، 72 MLRS جۇيەسى، 201 ارتيللەريالىق جۇيە، 444 تانك، 1435 برونەترانسپورتەر، 10 ارنايى تەحنيكا بىرلىگى، 864 جاۋىنگەرلىك ماشينا، 1 جانارماي تسيستەرناسى، 2 كەمە. 12-ناۋرىز كۇنى ۋكراينا پرەزيدەنتى ۆلاديمير زەلينسكي ۋكراينا تاراپىنان 1300 اسكەريدىڭ وپات بووعانىن ايتقان بولسا، ال، رەسەيدىڭ قوعانىس مينيسترلىگىنىڭ وكىلى يگور كونشەنكوۆ تەك 2- ناۋرىز كۇنى اسكەري شىعىن جايلى ايتتى. كوناشەنكوۆ ۋكراينا بيلىگىنىڭ مالىمدەمەسىنەن تەك 498 اسكەريدىڭ ءولىمى مەن 1597 ادامنىڭ جارالانعانىن عانا مويىندادى. ال، اسكەري تەحنيكا شىعىنى جايلى ءسوز قوزعالعان جوق. بۇل رەسەي بيلىگىنىڭ العىشقى جانە ازىرگە ەڭ سوڭعى مالىمدەمەسى. بۇگىن الەۋمەتتىك جەلىلەردە «ۋكراينا بيلىگى رەسەيدىڭ ىستەن شىققان تەحنيكالارىن جوندەۋدەن وتكىزىپ وزدەرىنە قارسى قولدانىپ جاتىر» دەگەن اقپاراتتا تاراۋدا. ال شەت ەلدىك ساراپشىلار باسقا پىكىردە. 13-ناۋرىز كۇنى امەريكالىق ساراپشىلارى CNBC ارناسىندا بەرگەن سۇحباتىندا رەسەيدىڭ اسكەري شىعىنىن 4000-6000 اسكەري قازا تاپتى دەپ جاريالادى. ال، 17- ناۋرىز كۇنى The New York Times باسلىمى رەسەي باسقىنشىلارى تاراپىنان قازا تاپقان اسكەريلەردىڭ سانى 7000, ال جاراقات العان اسكەريلەردىڭ سانى 14-21 مىڭدى قۇرادى دەپ حابارلادى. ەسكە سالا كەتەيىك بۇل امەريكانىڭ 20 جىلدىق سوعىستاعى اسكەري شىعىنىن كوپ.
"ادىرنا" ۇلتتىق پورتالى
