Reseı basqynshylary Ýkraınaǵa basyp kirdi. Qarýly qaqtyǵystarmen qosa aqparattyq soǵys ta bolyp jatqandyǵy barlyǵyna belgili. Al aqparattyq soǵysta ıfrlardyń burmalanýy tańǵalatyn nárse emes. Endeshe búgin Ýkraına, Reseı bıliginiń bergen aqparattary men táýelsiz sarapshylardyń aqparattaryn saraptaıtyn bolamyz.
Ýkrına bıligi 24-aqpannan beri belsendi túrde Reseı basqynshylarynyń áskerı shyǵyndaryn jarııalaýda. Ýkraına bıliginiń 17- naýryzdaǵy statıstıkasyna sensek Reseı tarapynan qaza tapqandardyń sany 14 000 áskerıdi quraıdy. Onyń ishinde: 88 ushaq, 108 tikushaq, 11 taktıkalyq deńgeıdegi ushqyshsyz ushý apparattary, 43 áýe shabýylyna qarsy qorǵanys júıesi, 72 MLRS júıesi, 201 artıllerııalyq júıe, 444 tank, 1435 bronetransporter, 10 arnaıy tehnıka birligi, 864 jaýyngerlik mashına, 1 janarmaı ısternasy, 2 keme. 12-naýryz kúni Ýkraına prezıdenti Vladımır Zelınskıı Ýkraına tarapynan 1300 áskerıdiń opat booǵanyn aıtqan bolsa, al, Reseıdiń Qoǵanys Mınıstrliginiń ókili Igor Konshenkov tek 2- naýryz kúni áskerı shyǵyn jaıly aıtty. Konashenkov Ýkraına bıliginiń málimdemesinen tek 498 áskerıdiń ólimi men 1597 adamnyń jaralanǵanyn ǵana moıyndady. Al, áskerı tehnıka shyǵyny jaıly sóz qozǵalǵan joq. Bul Reseı bıliginiń alǵyshqy jáne ázirge eń sońǵy málimdemesi. Búgin áleýmettik jelilerde «Ýkraına bıligi Reseıdiń isten shyqqan tehnıkalaryn jóndeýden ótkizip ózderine qarsy qoldanyp jatyr» degen aqparatta taraýda. Al shet eldik sarapshylar basqa pikirde. 13-Naýryz kúni Amerıkalyq sarapshylary CNBC arnasynda bergen suhbatynda Reseıdiń áskerı shyǵynyn 4000-6000 áskerı qaza tapty dep jarııalady. Al, 17- Naýryz kúni The New York Times baslymy Reseı basqynshylary tarapynan qaza tapqan áskerılerdiń sany 7000, al jaraqat alǵan áskerılerdiń sany 14-21 myńdy qurady dep habarlady. Eske sala keteıik bul Amerıkanyń 20 jyldyq soǵystaǵy áskerı shyǵynyn kóp.
"Adyrna" ulttyq portaly
