“التىن قورداعى” اۋديوماتەريالداردى تسيفرلاۋ تولىق اياقتالىپ، تسيفرلى فورماتقا تاريحي قۇندىلىعى اسا جوعارى 100 مىڭعا جۋىق ماتەريال كوشىرىلدى. بۇل تۋرالى “قازاقستان رترك” اق باسقارما ءتورايىمىنىڭ ورىنباسارى ماقپال جۇماباي Facebook پاراقشاسىنا جاريالادى، دەپ حابارلايدى “ادىرنا” ۇلتتىق پورتالى.
“وسى تاريحي مۇرانى ساقتاۋ، حالىق يگىلىگىنە ۇسىنۋ بويىنشا كەشەندى جۇمىسىمىزدىڭ ەكىنشى كەزەڭىنە اياق باستىق. بۇگىندە تۇپنۇسقا تاسپالاردى مەملەكەت قاراۋىنا وتكىزۋ جۇمىسىنا كىرىسىپ كەتتىك. وتكەن جىلدىڭ قازان ايىندا وسى ماسەلە بويىنشا ورتالىق مەملەكەتتىك كينو-فوتوقۇجاتتار مەن دىبىس جازبالارى ءارحيۆى ديرەكتورى جاناي وماروۆ مىرزامەن كەزدەسىپ،كەلىسىمگە كەلگەن ەدىك. ناتيجەسىندە، تاريحي مۇرانىڭ قۇقىقتىق مارتەبەسىن، سۇراقتارىنرەتتەيتىن شارتقا ەكىجاقتى قول قويىلىپ، 2022 جىلى العاشقى كەزەڭدە 30 مىڭ تاسپانى ارحيۆكە وتكىزۋگە شەشىم قابىلداندى. بۇل جۇمىس وسى كەزدە ءساتتى جۇزەگە اسىپ جاتىر”، - دەدى جازباسىندا.
سونىمەن قاتار، “التىن قوردىڭ” اۋديومۇراسىن حالىققا قولجەتىمدى ەتۋ ماقساتىندا altynqor.com پلاتفورماسى جۇمىس ىستەپ تۇر.
“ايتا كەتەيىن، تاسپالاردىڭ تاريحى ءجۇز جىلعا جۋىقتايدى جانە جالعىز دانادا. تۇپنۇسقا تاسپانى كەلەشەك ۇرپاققا جەتكىزۋ - بارىمىزگە ورتاق مىندەت”،-دەيدى ماقپال جۇماباي.
“ادىرنا” ۇلتتىق پورتالى
