ۋكرايناشىل مۋزىكانت اندرەي ماكارەۆيچ رەسەي پرەزيدەنتى ۆلاديمير ءپۋتيننىڭ ۋكرايناعا قارسى ءۇشىنشى دۇنيەجۇزىلىك سوعىستى باستاعىسى كەلەتىنىن ايتتى، بىراق ونىڭ پىكىرىنشە، كرەمل ديكتاتورىنىڭ سوعىستى جەڭۋگە مۇمكىندىگى جوق. سونداي-اق، مۋزىكانت اگرەسسور ەلىنىڭ كوشباسشىسى ۋكراينانى نە ءۇشىن جەك كورەتىنىن تۇسىنۋگە تىرىستى. بۇل تۋرالى "ادىرنا" ۇلتتىق پورتالى جازادى.
"مەن جاي تۇسىنۋگە تىرىسامىن. ءسىز مەنى اقىماق دەپ ساناي بەرۋىڭىزگە بولادى. گيتلەر ەۆرەيلەردى جەك كوردى. نە سەبەپتى ەكەنى بەلگىسىز. ونىڭ اقىلعا سىيمايتىن وشپەندىلىگى سونشالىقتى كۇشتى بولعاندىقتان، ول حولوكوستتى ۇيىمداستىردى. پۋتين ۋكراينانى نەگە سونشا جەك كورەدى؟ ول جاقتا ناعىز سايلاۋ ورىن الىپ، ولاردىڭ ەركىن بولعىسى كەلەتىنەن بە؟ بۇل جەككورۋشىلىك ونى ادەمى قالالاردى بومبالاۋعا جانە بەيبىت تۇرعىنداردى ولتىرۋگە ءماجبۇر ەتە مە؟ نە ءۇشىن؟",- دەپ ماكارەۆيچ ريتوريكالىق سۇراق قويدى.
سونداي-اق، مۋزىكانت ءۇشىنشى دۇنيەجۇزىلىك سوعىستى ۇيىمداستىرعىسى كەلەتىن ءپۋتيندى جەرگە ءتۇسىردى. ماكارەۆيچتىڭ ايتۋىنشا، رەسەي ونى جەڭە المايدى.
"ول شىنىمەن دە ءۇشىنشى دۇنيەجۇزىلىك سوعىستى قالايدى ما؟ ولاردى شىنىمەن جەڭەمىز دەپ ويلانىپ ءجۇر مە؟ رەسەي ەكى ايدا كوپ جەڭىسكە جەتتى. بۇل باستاماسى عانا ما دەپ قورقامىن", - دەپ قوستى مۋزىكانت.
"ادىرنا" ۇلتتىق پورتالى
