قازاقستان ەرلەر اراسىندا ىشىمدىكتى ءجيى پايدالاناتىن 182 ەلدىڭ ىشىندە 11-ءشى ورىن، ال ايەلدەر اراسىندا 19-شى ورىندى يەلەندى، دەپ جازادى "ادىرنا" ۇلتتىق پورتالى.
قازاقستاندا ەرلەر اراسىندا الكوگولگە تاۋەلدىلىك دەڭگەيى 9,52%، ايەلدەر اراسىندا - 1,48% قۇرادى.
ەرلەر اراسىندا الكوگول ءىشۋ بويىنشا العاشقى ۇشتىككە رەسەي، ۆەنگريا جانە ليتۆا مەملەكەتتەرى ەنسە، ايەلدەر اراسىندا اۆستراليا، رەسەي جانە كولۋمبيا ەلدەرى كىردى.
Energyprom ساراپشىلارى انىقتاعانداي، 2021 جىلدىڭ قاڭتار-اقپان ايىنىڭ قورىتىندىسى بويىنشا قازاقستاندا الكوگول ونىمدەرى سەگمەنتىندە اراق ءوندىرىسى بىردەن 60,3%-عا ياعني 5,7 ملن ليترگە دەيىن وسكەن. پليۋس جانە برەندي ءوندىرىسى 6,3%، ياعني 1,8 ميلليون ليترگە دەيىن، شاراپ ءوندىرىسى جىلىنا 3,5%-عا 2,7 ملن ليترگە دەيىن، سىرا 2,5%-عا 91,1 ملن ليترگە دەيىن قىسقارعان.
كونياك پەن ءجۇزىم شارابى ءوندىرىسىنىڭ ەڭ ۇلكەن كولەمى الماتى وبلىسىندا، اراق – اقمولا وبلىسىندا، سىرا – الماتى قالاسىندا كوپ وندىرىلەدى ەكەن.
"ادىرنا" ۇلتتىق پورتالى