ءبىر كەزدە سارا نازارباەۆانىڭ باستاماسىمەن پايدا بولعان ء"وزىن-ءوزى تانۋ" ءپانى ەندى وقۋشىلاردىڭ تاڭداۋىنا قاراي ءبىر سىنىپتا عانا وقىتىلادى. ال وسى ماماندىق بويىنشا ۋنيۆەرسيتەتتە وقىپ جاتقان نەمەسە ديپلوم العان ادامدار قايتەدى؟ بۇل سۇراققا ءبىلىم جانە عىلىم ءمينيسترى اسحات ايماعامبەتوۆ ۇكىمەت وتىرىسىنان كەيىن جاۋاپ بەردى، دەپ جازادى "ادىرنا" ۇلتتىق پورتالى inbusiness.kz-كە سىلتەمە جاساپ.
ء"وزىن-ءوزى تانۋ ءپانى قوسىمشا ەمەس، مىندەتتى ءپان رەتىندە ءبىر ەمەس، بەس ەمەس بىرنەشە جىل وقىتىلىپ كەلدى. جۇماسىنا ءبىر ساعات وتكىزىلەدى. ءبىز بيىل شەشىم قابىلدادىق. كەلەسى وقۋ جىلىنان باستاپ وسى ءپان ءبىر سىنىپتا وقۋشىلاردىڭ تاڭداۋىمەن وقىتىلادى. مىسالى، وقۋشىلار بەسىنشى سىنىپتا وسى ءپاندى وقيمىز دەپ تاڭداۋى مۇمكىن. تاڭداماسا، مىندەتتى ءپان رەتىندە مۇلدە وقىتىلمايدى", – دەدى ءبىلىم جانە عىلىم ءمينيسترى اسحات ايماعامبەتوۆ.
قاي سىنىپتا تاڭداۋ مۇمكىندىگى ۇسىنىلاتىنى ءالى ناقتىلانبادى.
ونىڭ ايتۋىنا قاراعاندا، ء"وزىن-ءوزى تانۋ" ءپانىن نەگىزگىدەن تاڭداۋ پانىنە اينالدىرۋ شەشىمى "جۇرگىزىلگەن تالداۋ ناتيجەسىندە" قابىلداندى. مينيستر "ساياسي استارى بار ما؟" دەگەن ساۋالعا جاۋاپ بەرۋدەن باس تارتتى.
"ۋنيۆەرسيتەتتەردە الەۋمەتتىك پەداگوگ جانە ءوزىن-ءوزى تانۋ" دەگەن ماماندىق بولدى. ونىڭ ەڭ ءبىرىنشى ماماندىعى – الەۋمەتتىك پەداگوگ. سوندىقتان ديپلوم العان جاستار الەۋمەتتىك پەداگوگ رەتىندە جۇمىس ىستەيدى. ال مەكتەپتەردە بۇل پاننەن كوبىنە باسقا ءپان مۇعالىمدەرى قوسىمشا وقىتقان. ولار ءوز ماماندىقتارىمەن ساباق بەرۋدى جالعاستىرادى. جوعارى وقۋ ورىندارىندا وسى ماماندىقتىڭ باستاپقى ءبىرىنشى، ەكىنشى كۋرسىندا وقىپ جۇرگەن ستۋدەنتتەر باسقا ماماندىققا اۋىسا الادى", – دەپ تۇسىندىرەدى ايماعامبەتوۆ.
"ادىرنا" ۇلتتىق پورتالى
