مەملەكەتكە وپاسىزدىق جاسادى، بيلىكتى باسىپ الماق بولدى دەگەن كۇدىكپەن قاماۋعا الىنعان قر ۇلتتىق قاۋىپسىزدىك كوميتەتىنىڭ (ۇقك) بۇرىنعى توراعاسى كارىم ءماسىموۆ قاماۋداعى جاعدايعا، ونىڭ ىشىندە مەديتسينالىق كومەككە شاعىمدانبادى، دەپ حابارلايدى “ادىرنا” ۇلتتىق پورتالى.
بۇعان دەيىن الەۋمەتتىك جەلىلەردە ءماسىموۆتىڭ دەنساۋلىعىنىڭ ناشارلاعانىن، ونى بوساتۋ قاجەت دەگەن اقپارات پايدا بولدى.
«ۇقك-ءنىڭ تەرگەۋ يزولياتورىنىڭ جاعدايىندا ك.ك.ءماسىموۆ قازاقستان رەسپۋبليكاسى زاڭناماسىنىڭ تالاپتارىنا سايكەس ماتەريالدىق جانە مەديتسينالىق قامتاماسىز ەتىلۋدە، ول قاماۋدا ۇستاۋ ۋاقىتىنا قاناعاتتانباۋ تۋرالى شاعىم كەلتىرمەدى. سونىڭ ىشىندە مەديتسينالىق قامتاماسىز ەتۋ بويىنشا.»، - دەپ حابارلادى ۇلتتىق قاۋىپسىزدىك كوميتەتىنەن.
”ادىرنا” ۇلتتىق پورتالى
