گۆارديالىق گارنيزوندا (جامبىل وبلىسى) جاس ساربازدىڭ قازا بولۋىنا بايلانىستى قىزمەتتىك تەرگەۋ بارىسىن قورعانىس ءمينيسترى گەنەرال-لەيتەنانت رۋسلان جاقسىلىقوۆ جەكە باقىلاۋىنا الدى.
ول ەگەر جاس ساربازدار اراسىندا ءبىر-ءبىرىن ۇرۋ نەمەسە جارعىلىق ەمەس قارىم-قاتىناستىڭ ازعانتاي عانا فاكتىلەرى انىقتالاتىن بولسا، سول اسكەري ءبولىمنىڭ قولباسشىلىعىنان بىرەۋدى قورعاپ، ونى جاسىرىپ قالۋعا مۇمكىندىك بەرمەيتىنىن ايتتى.
"كاراۆان" باسىلىمىنىڭ حابارلاۋىنشا، گۆارديالىق گارنيزوننىڭ اسكەري پوليتسيا باسقارماسىنىڭ باستىعى، پوليتسيا پودپولكوۆنيگى سەرىك مۇحانوۆ اتالعان فاكتى وسى جىلدىڭ 22 ساۋىرىندە سدتبت-نىڭ 440-بابى بويىنشا تىركەلگەنىن راستادى (باعىنىشتىلىق قاتىناستارى بولماعان كەزدە اسكەري قىزمەتشىنىڭ ولىمىنە اكەپ سوققان اسكەري قىزمەتشىلەر اراسىنداعى جارعىدان تىس ءوزارا قارىم-قاتىناستار).
«وڭتۇستىك ءوڭىرى بويىنشا گۆارديالىق اسكەري-تەرگەۋ باسقارماسى جەدەل-تەرگەۋ توبى قازىر بولعان وقيعانىڭ بارلىق نۇسقالارىن قاراستىرىپ جاتىر»، - دەيدى سەرىك مۇحانوۆ. – قاجەتتى ساراپتامالار جۇرگىزىلىپ قويعان، قازىر ونىڭ ناتيجەسىن كۇتىپ وتىرمىز.
اسكەري پوليتسيا وفيتسەرىنىڭ ايتۋىنشا، قاتاردا تۇرعان سارباز اۋىرىپ، قۇلاپ، باسىنا قاتتى سوققى تيگەندە، ول شۇعىل تۇردە گۆارديا گارنيزونىنىڭ اسكەري گوسپيتالىنە جەتكىزىلگەن. وندا وعان ءبىر جارىم ساعات بويى رەانيماتسيالىق شارالار جۇرگىزىلدى، وكىنىشكە وراي وڭ ناتيجە بەرمەدى.
«ساعات 10:35-تە اسكەري قىزمەتشىنىڭ بيولوگيالىق ءولىمى تىركەلدى»، - دەپ جالعاستىردى سەرىك مۇحانوۆ. - الدىن-الا دياگنوز، دارىگەرلەر ءوز اكتىسىندە جازعانداي: "كەنەتتەن بولعان جۇرەك ءولىمى". جەدەل جۇرەك جەتكىلىكسىزدىگى دەپ ايتۋ دۇرىسىراق بولار.
"ادىرنا" ۇلتتىق پورتالى
