Gvardiialyq garnizonda (Jambyl oblysy) jas sarbazdyŋ qaza boluyna bailanysty qyzmettık tergeu barysyn Qorǧanys ministrı general-leitenant Ruslan Jaqsylyqov jeke baqylauyna aldy.
Ol eger jas sarbazdar arasynda bır-bırın ūru nemese jarǧylyq emes qarym-qatynastyŋ azǧantai ǧana faktılerı anyqtalatyn bolsa, sol äskeri bölımnıŋ qolbasşylyǧynan bıreudı qorǧap, ony jasyryp qaluǧa mümkındık bermeitının aitty.
"Karavan" basylymynyŋ habarlauynşa, Gvardiialyq garnizonnyŋ Äskeri polisiia basqarmasynyŋ bastyǧy, polisiia podpolkovnigı Serık Mūhanov atalǧan faktı osy jyldyŋ 22 säuırınde SDTBT-nyŋ 440-baby boiynşa tırkelgenın rastady (baǧynyştylyq qatynastary bolmaǧan kezde äskeri qyzmetşınıŋ ölımıne äkep soqqan äskeri qyzmetşıler arasyndaǧy jarǧydan tys özara qarym-qatynastar).
«Oŋtüstık öŋırı boiynşa Gvardiialyq äskeri-tergeu basqarmasy jedel-tergeu toby qazır bolǧan oqiǧanyŋ barlyq nūsqalaryn qarastyryp jatyr», - deidı Serık Mūhanov. – Qajettı saraptamalar jürgızılıp qoiǧan, qazır onyŋ nätijesın kütıp otyrmyz.Äskeri polisiia ofiserınıŋ aituynşa, qatarda tūrǧan sarbaz auyryp, qūlap, basyna qatty soqqy tigende, ol şūǧyl türde Gvardiia garnizonynyŋ äskeri gospitalıne jetkızılgen. Onda oǧan bır jarym saǧat boiy reanimasiialyq şaralar jürgızıldı, ökınışke orai oŋ nätije bermedı.
«Saǧat 10:35-te äskeri qyzmetşınıŋ biologiialyq ölımı tırkeldı», - dep jalǧastyrdy Serık Mūhanov. - Aldyn-ala diagnoz, därıgerler öz aktısınde jazǧandai: "Kenetten bolǧan jürek ölımı". Jedel jürek jetkılıksızdıgı dep aitu dūrysyraq bolar.
"Adyrna" ūlttyq portaly
