ماڭعىستاۋلىق تۇرعىندار جاڭبىر تىلەۋ نامىزىن وقىدى، دەپ جازادى "ادىرنا" ۇلتتىق پورتالى. بۇل تۋرالى mangystaumedia.kz سايتى حابارلادى.
15 شاعىناۋدانداعى امفيتەاتر جانىنداعى الاڭعا 2 مىڭنان استام ادام جينالدى. شارا قازاقستان مۇسىلماندارىنىڭ ماڭعىستاۋ وبلىسى بويىنشا ءدىني باسقارماسىنىڭ جانە وبلىستىق بەكەت-اتا مەشىتىنىڭ باس يمامى ءانۋار ەلجانوۆتىڭ قاتىسۋىمەن ءوتتى. باس يمام ءانۋار ەلجانوۆتىڭ ايتۋىنشا، جەرگىلىكتى شارۋالار مەن جەر يەلەرى تاساتتىق ءراسىمىن جاساۋدى سۇراعان.
سونىمەن قاتار بۇگىن تۇرعىندار مۇحاممەد پايعامباردىڭ شاشىن كورۋگە مۇمكىندىك الدى. ەسكە سالا كەتەيىك، سوڭعى جىلدارى ماڭعىستاۋدى قۇرعاقشىلىق جايلاپ، مال باسى قىرىلعان بولاتىن.
"ادىرنا" ۇلتتىق پورتالى
