Mańǵystaýlyq turǵyndar jańbyr tileý namyzyn oqydy, dep jazady "Adyrna" ulttyq portaly. Bul týraly mangystaumedia.kz saıty habarlady.
15 shaǵynaýdandaǵy amfıteatr janyndaǵy alańǵa 2 myńnan astam adam jınaldy. Shara Qazaqstan musylmandarynyń Mańǵystaý oblysy boıynsha dinı basqarmasynyń jáne oblystyq Beket-Ata meshitiniń bas ımamy Ánýar Eljanovtyń qatysýymen ótti. Bas ımam Ánýar Eljanovtyń aıtýynsha, jergilikti sharýalar men jer ıeleri Tasattyq rásimin jasaýdy suraǵan.
Sonymen qatar búgin turǵyndar Muhammed paıǵambardyń shashyn kórýge múmkindik aldy. Eske sala keteıik, sońǵy jyldary Mańǵystaýdy qurǵaqshylyq jaılap, mal basy qyrylǵan bolatyn.
"Adyrna" ulttyq portaly
