ماڭعىستاۋ مۇنايشىلارى 9 كۇن بويى جۇمىسقا شىقپاي، ءوز تالاپتارىن ايتۋدا، دەپ حابارلايدى “ادىرنا” ۇلتتىق پورتالى.
"كەزبي" جشس جۇمىسشىلارىنىڭ 10% عانا جۇمىسقا شىققان. قالعاندارى جۇمىستارىن تاستاپ، تالاپتارىن ايتىپ تۇر.
مۇنايشىلار جالاقىنى 20 پايىزعا كوتەرۋدى جانە 12 ساعاتتىق جۇمىس كۇنىن بەلگىلەۋدى تالاپ ەتەدى.
جۇمىسشىلار ازىرگە ماسەلەلەرىنىڭ شەشىلمەگەنىن ايتادى.
ەسكە سالايىق، وتكەن اپتادا كومپانيانىڭ جالاقىنى كوتەرەمىز دەگەن ۋادەسىنىڭ ورىندالماي قالعانىنان كەيىن "كەزبي" جشس جۇمىسشىلارى بەيبىت ميتينگ وتكىزگەن ەدى.
"كەزبي" جشس جۇمىسشىلارى بىلتىرعى جىلدان بەرى نارازىلىقتارىن ءبىلدىرىپ كەلە جاتىر. 2021 جىلدىڭ جازىندا جاپپاي ەرەۋىلدىڭ ناتيجەسىندە ولار ءوز جالاقىلارىنىڭ كوتەرىلۋىنە قول جەتكىزگەن.
“ادىرنا” ۇلتتىق پورتالى
