ءاربىر تۇلەك جوو-نى بىتىرگەننەن كەيىن تەز جۇمىسقا ورنالاسۋدى ارماندايدى. قازاقستاننىڭ كوپتەگەن جوعارى وقۋ ورىندارى جۇمىس بەرۋشىلەرمەن تىكەلەي بايلانىسقا شىقپايدى، سونىڭ سالدارىنان ەلىمىزدە جۇمىسسىز جۇرگەن تۇلەكتەر كوپ.
كازگيۋ ۋنيۆەرسيتەتىنىڭ پروۆوستى سەرگەي پەن وسىنداي پىكىر ايتادى. سونداي-اق ول:
— نەگىزىنەن مامانداردى دايارلاۋ جۇمىس بەرۋشىلەردىڭ قاجەتتىلىكتەرى مەن تالاپتارىنا سايكەس بولۋى كەرەك. ءدال وسى ىسكەرلىك كەڭەس وتىرىستارى – ءبىلىم بەرۋ باعدارلامالارىنىڭ ساپاسىن ارتتىرۋدا ماڭىزدى ءرول اتقارادى. ستۋدەنتتەردىڭ العان بىلىمدەرى مەن داعدىلارىن ءىس جۇزىندە قولدانۋعا باسا نازار اۋدارا وتىرىپ، سەرىكتەستەر مەن جۇمىس بەرۋشىلەردىڭ سۇرانىستارى ستۋدەنتتىڭ جانە بولاشاقتا بىلىكتى جانە باسەكەگە قابىلەتتى قىزمەتكەردىڭ ءپروفيلىن قالىپتاستىرادى، — دەيدى.
«اتامەكەن» ۇكپ رەيتينگىنە سايكەس، جۇمىس بەرۋشىلەردىڭ 45% 2021 جىلعى ءبىلىم بەرۋ باعدارلامالارىنا كوڭىلى تولمايدى. تۇلەكتەردىڭ جۇمىسقا ورنالاسۋ دەڭگەيى 2021 جىلى 77% قۇرادى، بۇل 2020 جىلعى 71% جاقسىراق، ياعني ۇمتىلاتىن نارسە بار ەكەنىن كورەمىز» – دەيدى «اتامەكەن» ۇكپ جوو رەيتينگىسىنىڭ جوبالىق كەڭسەسىنىڭ باسشىسى ءادىل مەرگەنباەۆ.
قولدانبالى لينگۆيستيكا، قازاق-اعىلشىن تىلدەرى جانە لينگۆيستيكا، جۋرناليستيكا: اناليتيكا جانە زەرتتەۋ، تۋريزم جانە قوناقجايلىلىق، پسيحولوگيا ماماندارىن دايارلايتىن جوعارى گۋمانيتارلىق مەكتەبى – ءبىلىم بەرۋ باعدارلاماسىن دامىتۋ ماقساتىندا ىسكەرلىك قاۋىمداستىققا قاتىسقان بولاتىن.
27 ساۋىردە Sheraton Nur-Sultan Hotel-دە م.س. نارىكباەۆ اتىنداعى كازگيۋ ۋنيۆەرسيتەتى جوعارى گۋمانيتارلىق مەكتەبى بيزنەس كەڭەسىنىڭ III وتىرىسى ءوتتى. ۋنيۆەرسيتەتتىڭ جوعارى گۋمانيتارلىق مەكتەبى جۇمىسىنىڭ باسىم باعىتى جۇمىس بەرۋشىلەردىڭ سۇرانىستارى مەن پىكىرلەرىنە سايكەس ءبىلىم بەرۋ باعدارلامالارىن جەتىلدىرۋ. بۇل جۇمىس بيزنەس كەڭەستىڭ وتىرىستارىندا جۇرگىزىلەدى.
ىسكەرلىك كەڭەستىڭ III وتىرىسىنا باق وكىلدەرى، رەسپۋبليكالىق تەلەارنالاردىڭ باسشىلارى، حالىقارالىق دەڭگەيدەگى قوناقۇيلەردىڭ توپ-مەنەدجمەنتى، ۇلتتىق كومپانيالاردىڭ، حالىقارالىق مەكتەپتەردىڭ، قاۋىمداستىقتار مەن قوعامدىق بىرلەستىكتەر مەن ۇلتتىق حولدينگتەردىڭ وكىلدەرى قاتىستى.
“ادىرنا” ۇلتتىق پورتالى
