Árbir túlek JOO-ny bitirgennen keıin tez jumysqa ornalasýdy armandaıdy. Qazaqstannyń kóptegen joǵary oqý oryndary jumys berýshilermen tikeleı baılanysqa shyqpaıdy, sonyń saldarynan elimizde jumyssyz júrgen túlekter kóp.
KAZGIýÝ ýnıversıtetiniń provosty Sergeı Pen osyndaı pikir aıtady. Sondaı-aq ol:
— Negizinen mamandardy daıarlaý jumys berýshilerdiń qajettilikteri men talaptaryna sáıkes bolýy kerek. Dál osy Iskerlik keńes otyrystary – bilim berý baǵdarlamalarynyń sapasyn arttyrýda mańyzdy ról atqarady. Stýdentterdiń alǵan bilimderi men daǵdylaryn is júzinde qoldanýǵa basa nazar aýdara otyryp, seriktester men jumys berýshilerdiń suranystary stýdenttiń jáne bolashaqta bilikti jáne básekege qabiletti qyzmetkerdiń profılin qalyptastyrady, — deıdi.
«Atameken» UKP reıtıngine sáıkes, jumys berýshilerdiń 45% 2021 jylǵy bilim berý baǵdarlamalaryna kóńili tolmaıdy. Túlekterdiń jumysqa ornalasý deńgeıi 2021 jyly 77% qurady, bul 2020 jylǵy 71% jaqsyraq, ıaǵnı umtylatyn nárse bar ekenin kóremiz» – deıdi «Atameken» UKP JOO reıtıngisiniń jobalyq keńsesiniń basshysy Ádil Mergenbaev.
Qoldanbaly lıngvıstıka, qazaq-aǵylshyn tilderi jáne lıngvıstıka, jýrnalıstıka: analıtıka jáne zertteý, týrızm jáne qonaqjaılylyq, psıhologııa mamandaryn daıarlaıtyn Joǵary gýmanıtarlyq mektebi – bilim berý baǵdarlamasyn damytý maqsatynda iskerlik qaýymdastyqqa qatysqan bolatyn.
27 sáýirde Sheraton Nur-Sultan Hotel-de M.S. Nárikbaev atyndaǵy KAZGIýÝ Ýnıversıteti Joǵary gýmanıtarlyq mektebi Bıznes keńesiniń III otyrysy ótti. Ýnıversıtettiń Joǵary gýmanıtarlyq mektebi jumysynyń basym baǵyty Jumys berýshilerdiń suranystary men pikirlerine sáıkes bilim berý baǵdarlamalaryn jetildirý. Bul jumys Bıznes keńestiń otyrystarynda júrgiziledi.
Iskerlik keńestiń III otyrysyna BAQ ókilderi, respýblıkalyq telearnalardyń basshylary, halyqaralyq deńgeıdegi qonaqúılerdiń top-menedjmenti, ulttyq kompanııalardyń, halyqaralyq mektepterdiń, qaýymdastyqtar men qoǵamdyq birlestikter men ulttyq holdıngterdiń ókilderi qatysty.
“Adyrna” ulttyq portaly
