نۇر-سۇلتان قالاسىنىڭ سوتى گۇلميرا ساتىبالدىنىڭ قاماۋعا الۋ مەرزىمىن ءبىر ايعا ۇزارتۋ تۋرالى شەشىم شىعاردى، دەپ حابارلايدى “ادىرنا” ۇلتتىق پورتالى.
ول اسا ءىرى كولەمدەگى اقشانى ۇرلادى دەگەن كۇدىككە ءىلىندى. سوتتىڭ حابارلاۋىنشا، بۇگىن، 13 مامىردا شىعارىلعان شەشىمگە سايكەس، گۇلميرا ساتىبالدى تاعى ءبىر اي قاماۋدا بولادى.
ەسكە سالايىق، كاسىپكەر قايرات ساتىبالدى 17 ناۋرىزدا ۇستالعان بولاتىن. كەلەسى كۇنى ونىڭ بۇرىنعى ايەلى گۇلميرا ساتىبالدانىڭ ەكى ايعا قاماۋعا الىنعانى بەلگىلى بولدى. ونىڭ قاماۋعا الۋ مەرزىمى 18 مامىردا اياقتالۋى كەرەك ەدى. ءساۋىردىڭ 1-ءى كۇنى شىمكەنت قالالىق جولاۋشىلار كولىگى جانە اۆتوموبيل جولدارى باسقارماسى باسشىسىنىڭ ورىنباسارى ماديار بايىمبەتوۆ گۇلميرا ساتىبالدى ىسىنە قاتىستى جاڭا مالىمەتتەردى جاريا ەتتى.
ءىس 2021 جىلى ناقتى ورىندالماعان قۇرىلىس-مونتاجداۋ جۇمىستارى ءۇشىن اسا ءىرى مولشەردە (747 ميلليون تەڭگە) بيۋدجەت قاراجاتىن جىمقىرۋ فاكتىسى بويىنشا باستالعان.
“ادىرنا” ۇلتتىق پورتالى
