«Balapan» تەلەارناسى ۇيىمداستىرعان «BALAPAN الەمى» رەسپۋبليكالىق بالالارفەستيۆالى ەلىمىزدىڭ بىرنەشە وڭىرىندە ءوتتى.
فەستيۆالگە قولداۋ بىلدىرگەن ۇلىتاۋ وبلىسى، اباي وبلىسى، ماڭعىستاۋ وبلىسى جانە قىزىلوردا وبلىسىنىڭ اكىمدىگى الەۋمەتتىك جاعدايى تومەن، كوپ بالالى وتباسىدان شىققان جانە ەرەكشە قاجەتتىلىكتەرى بار بالالارعا ارناپ ويىن-ساۋىق جانە تانىمدى ءىس-شارالار ۇيىمداستىردى. فەستيۆال بارىسىندا ءار ءوڭىر تىكەلەي بايلانىس ارقىلى قوسىلىپ، كورەرمەندەر بالالاردىڭ مەرەكەنى تويلاۋ ساتىنە كۋا بولدى.
«بالالار جىلىنا» وراي وتكەن فەستيۆالاياسىندا قاراعاندىلىق بالالار ۇلت بەسىگى – ۇلىتاۋعا ەكسكۋرسياعا شىعىپ، «جوشى حان»، «الاشا حان» جانە «دومباۋىل» كەسەنەلەرىن ارالاپ، تاريحي جەرلەر تۋرالى ساۋاتىن كەڭەيتتى. سەمەيلىك جەتكىنشەكتەر ۇلى ابايدىڭ تۋعان جەرىاباي اۋدانى, قاراۋىل اۋىلىندا وتكەن ءححىىى رەسپۋبليكالىق اباي وقۋلارىنىڭ وبلىستىق تۋرنيرىنە قاتىستى. ماڭعىستاۋلىق بالالار كاسپي تەڭىزىندە كەمەمەن ساياحات جاسادى. ساياحاتقا وبلىستىق وتباسىلىق ۇلگىدەگى بالالار اۋىلى جانە ارنايى مەكتەپتەردىڭ 30 بالاسى قاتىستى. ال،قىزىلوردانىڭ ءبىر توپ ونەرپازى قىزىلوردا وبلىسىندا ورنالاسقان «اتامەكەن» بالالار اۋىلىنىڭ بالالارىنا كونتسەرت قويدى.
ەستەرىڭىزگە سالا كەتەيىك، بۇگىن «بالالار جىلى» شەڭبەرىندە نۇر-سۇلتان قالاسىندا رەسپۋبليكالىق بالالار فەستيۆالى ءوتتى. مەرەكەلىك شاراعا ەلىمىزدىڭ بىرنەشە وڭىرىنەن كەلگەن 800-گە جۋىق تالانتتى بالا مەن ەسترادا جۇلدىزدارى قاتىستى. سونىمەن قاتار، ساحنادان تىس الەۋمەتتىك ماڭىزى بار ءىس-شارالار ءوتتى. فەستيۆال «Balapan» تەلەارناسىنان تىكەلەي ەفيردە كورسەتىلءدى.
