سەمەيدە ورمان ورتەنىپ، ونى اۋىزدىقتاۋعا 400-گە جۋىق ادام جۇمىلدىرىلدى، دەپ حابارلايدى "ادىرنا" ۇلتتىق پورتالى "قازاقپارات"-قا سىلتەمە جاساپ.
شقو توتەنشە جاعدايلار دەپارتامەنتى ءباسپاسوز قىزمەتىنىڭ مالىمەتىنە سۇيەنسەك، 1 ماۋسىمدا ساعات 14.27-دە «سەمەي ورمانى» رەزەرۆاتىنىڭ جاڭا-سەمەي فيليالى پودگورودنەە ورمانشىلىعىندا ءورت شىققان. ءتىلسىز جاۋ شارپىعان اۋماق شامامەن 160 گەكتاردى قۇرادى.
«جالىننىڭ بەتى ءالى قايتپاي جاتىر. ءورتتى سوندىرۋگە دەپارتامەنتتىڭ، جەرگىلىكتى اتقارۋشى ورگانداردىڭ، تجم №68303 اسكەري ءبولىمىنىڭ قىزمەتكەرلەرى مەن ورمانشىلار جۇمىلدىرىلدى. قازىرگى ۋاقىتتا سول جەردە 399 ادام جانە 85 تەحنيكا جۇمىس ىستەپ جاتىر. سەمەي قالاسىندا ءورت قاۋىپتىلىگىنىڭ بەسىنشى دەڭگەيى جاريالانعان»، - دەلىنگەن اقپاراتتا.
الدىن الا بولجام بويىنشا، ءورت نايزاعايدان شىعۋى مۇمكىن. اۋەدەن مونيتورينگ جاساۋ ءۇشىن «مي-2» تىكۇشاعى تارتىلدى.
"ادىرنا" ۇلتتىق پورتالى
