الماتى وبلىسىندا ەڭبەك ميگرانتتارىنىڭ ءبىرى 4-سىنىپ وقۋشىسىنا تيىسپەك بولعان دەپ حابارلايدى "ادىرنا" ۇلتتىق پورتالى.
الماتى وبلىستىق پوليتسيا دەپارتامەنتىنىڭ حابارلاۋىنشا، 3 ماۋسىمدا ىلە اۋدانىنداعى "تىلەكتەس" ساياجايىنىڭ ءبىر توپ تۇرعىنى ەڭبەك ميگرانتتارىنا قاتىستى شاعىم تۇسىرگەن. ولاردىڭ ايتۋىنشا، وزبەكتەردىڭ ءبىرى قۇرىلىس ماڭىنان ءوتىپ بارا جاتقان وقۋشىعا تيىسكەن. پوليتسەيلەرگە قىزدىڭ اكەسى شاعىمدانىپ، وزبەكتەرمەن ارادا توبەلەس بولعانىن دا ايتىپتى.
“قازىرگى ۋاقىتتا قۇقىق قورعاۋ ورگاندارى اۋىل تۇرىعىنىڭ شاعىمى بويىنشا تەكسەرۋ جۇرگىزىپ جاتىر، قولدانىستاعى زاڭناما بويىنشا شارا قولدانىلادى. ۋچاسكەلىك پوليتسەيلەر كوشى-قون قىزمەتىمەن بىرلەسىپ، كورشى مەملەكەتتەن كەلگەن ازاماتتاردىڭ قۇجاتتارىن تەكسەردى. ناقتى شەشىم قابىلداۋ ءۇشىن ەكى جاقتىڭ دا ۋاجدەرى قاراستىرىلىپ، بۇل فاكتى بويىنشا شەشىم قابىلدانادى”، – دەلىنگەن حابارلامادا.
"ادىرنا" ۇلتتىق پورتالى.
