«جاستاردى الەۋمەتتەندىرۋ جانە وڭالتۋ» جوباسى اياسىنداعى كەزەكتى كەزدەسۋ قاراعاندى قالاسىندا ءوتتى.
NEET ساناتىنداعى جاستاردى ەلىمىزدىڭ الەۋمەتتىك-ەكونوميكالىق ومىرىنە تارتۋ ماسەلەلەرى بويىنشا بولعان كەزدەسۋ 30 مامىر كۇنى قاراعاندى قالاسىنداعى، “امانات” پارتياسىنىڭ عيماراتىندا ءوتتى.
كەزدەسۋ سپيكەرى قاراعاندى قالاسىنداعى بەلگىلى كاسىپكەر، مەتسەنات بەكزات التىنبەكوۆ بولدى. كەزدەسۋ بارىسىندا ارقا جاستارى كاسىپكەرگە وزدەرىنىڭ باستامالارى، كاسىپتىك جولداعى العاشقى جوسپاردارىن ايتىپ اقىل سۇراپ، ويلارىن مازالاعان سۇراقتارىنا جاۋاپ الدى.
“مەن ەڭ اۋەلى كاسىبىمدى قارجىلىق قاجەتتىلىكتەن باستادىم. كىشكەنتايىمنان جوقشىلىقتى دا، تارشىلىقتى دا، وتباسىمىزبەن قيىندىقتى دا كوردىك. وسىنىڭ ءبارى مەن قاجىرلانىپ جەتىلۋىمە، بولاشاققا ناقتى ماقسات قويا بىلۋىمە سەبەپشى بولدى. مەن كورگەن قيىندىقتى مەنەن كەيىنگىلەو كورمەيدى دەپ سەرت ەتتىم. سول جەلەۋمەن جاستايىمنان جوسپارلار قۇرىپ، كاسىپتىك مانسابىمدا ناقتى ارەكەتتەر جاساي باستادى. تاۋبە، ايەۋىر بۇگىندە جەمىسىن جەپ وتىرمىن. سوندىقتان ايتارىم جاس بۋىنعا، اۋەلى ءسىز قاجەتتىلىكتى بەلگىلى ءبىر دەڭگەيدە كورگەن بولساڭىز ول ءسىزدى دەمەۋگە، قايراۋعا سەپتىگىن تيگىزەرى انىق” دەدى بەكزات مىرزا.
سونىمەن قاتار، كەزدەسۋدەگى جاستار كاسىپكەرگە وزدەرىنىڭ قۇرعان بيزنەس-جوسپارلارىن كورسەتتى. كەم-كەتىك تۇستارىن تۇزەتپ بەرۋىن ءوتىنىپ، ساۋالدارىن قويدى. بەكزات التىنبەكوۆ شارا اياقتالعان سوڭ بولاشاعى بار دەپ تانىعان بيزنەس جوسپار جاساۋشىلارعا جەكە قولداۋ تانىتاتىندىعىن ايتىپ، جاستارعا دەمەۋ بەردى.
“ەڭ باستىسى قولىمنان كەلمەي قالادى دەپ قورىقپاڭدار. تاۋەكەل ەتە ءبىلۋ جەتىستىككە جەتەلەيدى. بولماي قالعان جاعدايدىڭ وزىندە ءبىر پليۋس - سەندەر ساباق اداسىڭدار. ساباق الۋدىڭ ءوزى – ۇلكەن جەڭىس” دەدى ول.
