Bekzat ALTYNBEKOV: Täuekel ete bılu — jetıstıkke jeteleidı

«Jastardy äleumettendıru jäne oŋaltu» jobasy aiasyndaǧy kezektı kezdesu Qaraǧandy qalasynda öttı. NEET sanatyndaǧy jastardy elımızdıŋ äleumettık-ekonomikalyq ömırıne tartu mäselelerı boiynşa bolǧan kezdesu 30 mamyr künı Qaraǧandy qalasyndaǧy, “Amanat” partiiasynyŋ ǧimaratynda öttı. Kezdesu spikerı Qaraǧandy qalasyndaǧy belgılı käsıpker, mesenat Bekzat Altynbekov boldy. Kezdesu barysynda Arqa jastary käsıpkerge özderınıŋ bastamalary, käsıptık joldaǧy alǧaşqy jospardaryn aityp aqyl sūrap, oilaryn mazalaǧan sūraqtaryna jauap aldy.

“Men eŋ äuelı käsıbımdı qarjylyq qajettılıkten bastadym. Kışkentaiymnan joqşylyqty da, tarşylyqty da, otbasymyzben qiyndyqty da kördık. Osynyŋ bärı men qajyrlanyp jetıluıme, bolaşaqqa naqty maqsat qoia bıluıme sebepşı boldy. Men körgen qiyndyqty menen keiıngıleo körmeidı dep sert ettım. Sol jeleumen jastaiymnan josparlar qūryp, käsıptık mansabymda naqty äreketter jasai bastady. Täube, äieuır bügınde jemısın jep otyrmyn. Sondyqtan aitarym jas buynǧa, äuelı sız qajettılıktı belgılı bır deŋgeide körgen bolsaŋyz ol sızdı demeuge, qairauǧa septıgın tigızerı anyq” dedı Bekzat myrza.

Sonymen qatar, kezdesudegı jastar käsıpkerge özderınıŋ qūrǧan biznes-josparlaryn körsettı. Kem-ketık tūstaryn tüzetp beruın ötınıp, saualdaryn qoidy. Bekzat Altynbekov şara aiaqtalǧan soŋ bolaşaǧy bar dep tanyǧan biznes jospar jasauşylarǧa jeke qoldau tanytatyndyǧyn aityp, jastarǧa demeu berdı.

“Eŋ bastysy qolymnan kelmei qalady dep qoryqpaŋdar. Täuekel ete bılu jetıstıkke jeteleidı. Bolmai qalǧan jaǧdaidyŋ özınde bır plius -  sender sabaq adasyŋdar. Sabaq aludyŋ özı – ülken jeŋıs” dedı ol.