ەنەرگەتيكا ءمينيسترى بولات اقشولاقوۆ الماتى وبلىسىنداعى ۇلكەن اۋىلىنىڭ ماڭىندا اتوم ەلەكتر ستانتسياسىن سالۋ جوسپارلانىپ وتىرعانىن ايتتى، - دەپ حابارلايدى “ادىرنا” ۇلتتىق پورتالى “Tengrinews.kz“-كە سىلتەمە جاساپ.
"ناقتى ورنالاسقان جەرى بويىنشا ەمەس، ورنالاسۋ ايماعى بويىنشا ۆەدومستۆوارالىق كوميسسيا جۇرگىزدىك. بۇل - بالقاش كولىنىڭ اۋماعى، الماتى وبلىسى ۇلكەن اۋلىنىڭ ماڭى. ورنالاستىرۋ ايماعىن انىقتادىق. بيىل مەن بىرنەشە رەت ايتقان نيۋانستاردى زەرتتەۋ جۇمىستارىن جۇرگىزۋ كەرەك. ولار گەولوگيامەن، سۋمەن، ەكولوگيامەن بايلانىستى. وسىدان كەيىن ناقتى كوورديناتتار بەلگىلى بولادى. سودان كەيىن ەسەپتەۋلەر باستالادى. بىراق ەسەپتەۋلەر جۇرگىزۋ ءۇشىن تەحنولوگيانى انىقتاۋ قاجەت. ءبىز تەحنولوگيانى كەلەسى جىلى انىقتايمىز", - دەدى اقشولاقوۆ شەتەلدىك ينۆەستورلار كەڭەسىنىڭ وتىرىسىندا جۋرناليستەردىڭ سۇراعىنا جاۋاپ بەرىپ.
ەسكە سالايىق، بۇعان دەيىن پرەزيدەنت قاسىم-جومارت توقاەۆ قازاقستان اتوم ەلەكتر ستانتسياسى (اەس) قايدا سالىناتىنى بويىنشا شەشىم شىعارعانىن جانە ىقتيمال جەتكىزۋشىلەردىڭ تەحنولوگيالارىن زەرتتەپ جاتقانىن ايتقان ەدى.
“ادىرنا” ۇلتتىق پورتالى
