Energetıka mınıstri Bolat Aqsholaqov Almaty oblysyndaǵy Úlken aýylynyń mańynda atom elektr stanııasyn salý josparlanyp otyrǵanyn aıtty, - dep habarlaıdy “Adyrna” ulttyq portaly “Tengrinews.kz“-ke silteme jasap.
"Naqty ornalasqan jeri boıynsha emes, ornalasý aımaǵy boıynsha vedomstvoaralyq komıssııa júrgizdik. Bul - Balqash kóliniń aýmaǵy, Almaty oblysy Úlken aýlynyń mańy. Ornalastyrý aımaǵyn anyqtadyq. Bıyl men birneshe ret aıtqan nıýanstardy zertteý jumystaryn júrgizý kerek. Olar geologııamen, sýmen, ekologııamen baılanysty. Osydan keıin naqty koordınattar belgili bolady. Sodan keıin esepteýler bastalady. Biraq esepteýler júrgizý úshin tehnologııany anyqtaý qajet. Biz tehnologııany kelesi jyly anyqtaımyz", - dedi Aqsholaqov Sheteldik ınvestorlar keńesiniń otyrysynda jýrnalısterdiń suraǵyna jaýap berip.
Eske salaıyq, buǵan deıin Prezıdent Qasym-Jomart Toqaev Qazaqstan atom elektr stanııasy (AES) qaıda salynatyny boıynsha sheshim shyǵarǵanyn jáne yqtımal jetkizýshilerdiń tehnologııalaryn zerttep jatqanyn aıtqan edi.
“Adyrna” ulttyq portaly
