اتىراۋ پەريناتالدىق ورتالىعىندا ءۇش كۇن بۇرىن ومىرگە كەلگەن نارەستەنى جاس بوسانعان ايەلدەردىڭ ءبىرى ەدەنگە قۇلاتىپ الدى، دەپ حابارلايدى "ادىرنا" ۇلتتىق پورتالى "Azattyq Rýhy"-نا سىلتەمە جاساپ.
اناسى رەنتگەنگە تۇسۋگە كەتكەن كەزدە نارەستە جىلايدى. پالاتادا جاتقان باسقا ايەل جۇباتۋ ءۇشىن ونى كوتەرمەك بولادى. الايدا ءسابيدى قولىنان ءتۇسىرىپ الادى.
"جاڭا تۋعان سابيگە مي يشەمياسى دياگنوزى قويىلدى. وعان وتتەگى جاساندى تىنىس الۋ اپپاراتى ارقىلى بەرىلىپ جاتىر. ساتۋراتسياسى – 93%. گەوديناميكاسى تۇراقتى، جۇرەك سوعىسى قالىپتى. نەۆرولوگيالىق سيمپتوم جوق", - دەپ حابارلادى پەريناتالدىق ورتالىق ديرەكتورى قانات ەرماعامبەتوۆ.
وبلىستىق دەنساۋلىق ساقتاۋ باسقارماسىنىڭ باسشىسى اسحان بايدۋاليەۆتىڭ ايتۋىنشا، وسى وقيعاعا بايلانىستى ارنايى كوميسسيا قۇرىلعان.
"بۇل وقيعا ەگجەي-تەگجەيلى تەكسەرىلەدى. قازىر وسى ماقساتتا ارنايى جۇمىس كوميسسياسى قۇرىلدى. قۇلاعان ءسابي كومپيۋتەرلىك توموگرافياعا ءتۇسىرىلدى. ونىڭ قورىتىندىسى بويىنشا ءسابيدىڭ دەنساۋلىعىنا قاتتى زاقىم كەلمەگەن", - دەپ ءمالىم ەتتى اسحان بايدۋاليەۆ.
"ادىرنا" ۇلتتىق پورتالى
