الماتى قالاسىنىڭ سىبايلاس جەمقورلىققا قارسى قىزمەتى مەملەكەتتىك ساتىپ الۋ جۇيەسىنە جۇرگىزىلگەن مونيتورينگ بارىسىندا كىتاپ ساتىپ الۋ بارىسىنداعى قىمباتشىلىق فاكتىسىن انىقتادى، دەپ حابارلايدى «ادىرنا» ءتىلشىسى.
«بيىل مەگاپوليستىڭ جوعارى وقۋ ورىندارىنىڭ بىرىندە 117 ملن تەڭگە سوماسىنا ءبىر دانا كولەمىندە كىتاپ ساتىپ الۋ جوسپارلانعان بولاتىن. مونيتورينگ بارىسىندا سيپاتتامالاردا تاۋارلاردىڭ اتاۋى، سونداي-اق جوعارىدا اتالعان كىتاپتىڭ اۆتورى جوق ەكەندىگى انىقتالدى»،– دەلىنگەن حابارلامادا.
مەكەمە مەملەكەتتىك ساتىپ الۋ پورتالىندا جىلدىق جوسپاردى ورنالاستىرۋ كەزىندە تەحنيكالىق قاتەلىك جىبەرگەنىن حابارلادى. ۋنيۆەرسيتەتتىڭ مالىمەتىنشە، بۇل شىعىن ءبىر كىتاپقا ەمەس، ءبىر لوتقا جوسپارلانعان.
ايتا كەتەيىك، انتيكور 2021 جىلعا ارنالعان مونيتورينگ بويىنشا 13 ميلليارد تەڭگەدەن استام بيۋدجەت قاراجاتىنىڭ ءتيىمسىز جۇمسالۋىنىڭ الدىن الدى.
