دەنساۋلىق ساقتاۋ ءمينيسترى اجار عينيات 200-گە جۋىق ۇندىستاندىق ستۋدەنتتىڭ ۋكراينادان قازاقستانعا اۋىسۋى مۇمكىن ەكەنىن مالىمدەدى. ايتۋىنشا، ءۇندىستان ۇكىمەتى ۋكراينانىڭ مەديتسينالىق جوعارى وقۋ ورىندارىندا ءبىلىم الىپ جاتقان ستۋدەنتتەرىن قازاقستانعا كوشىرۋ تۋرالى ءوتىنىش جاساعان، دەپ حابارلايدى «ادىرنا» ءتىلشىسى.
ء“ۇندىستان ۇكىمەتى بىزگە رەسمي تۇردە ءوتىنىش جولدادى. كەشە ەلىمىزگە ءۇندىستاننىڭ سىرتقى ىستەر ءمينيسترى كەلدى. ۋكرايناداعى 20 مىڭنان استام ءۇندى ستۋدەنتتەرى دالادا قالعان، ەندى ولار بىزدەن كومەك سۇراپ وتىر. نەگىزى، ءبىزدىڭ مەديتسينالىق ۋنيۆەرسيتەتتەرىمىز كومەكتەسۋگە دايىن، شامامەن 200 ستۋدەنتتى قابىلداي الادى. شەتەلدىكتەر وقۋ اقىسىن وزدەرى تولەيدى", - دەدى ول.
ايتا كەتەيىك، ستۋدەنتتەردى قازاقستاندىق جوعارى وقۋ ورىندارىنا اۋىستىراتىن بولسا، ولار اقىلى نەگىزدە وقيتىن بولادى. مۇمكىندىگىنشە ولارعا جاتاقحانا بەرىلەدى.
