بەلگىلى ءانشى تولقىن زابيروۆا جول اپاتىنا ءتۇستى. بۇل تۋرالى ونەر يەسى Instagram جەلىسىندە جازدى، دەپ حابارلايدى «ادىرنا» ءتىلشىسى.
«اللا ساقتاعان. الدارىنا كىشكەنتاي بالالارىن وتىرعىزىپ، ماشينا جۇرگىزىپ كەلە جاتقان اتا-انالارعا نە بولماسا ۇيالى تەلەفونىنا ءۇڭىلىپ قاراپ، بار جانىن بەرىپ، شۇقىپ جاتاتىندارعا تاڭعالامىن. بۇل نە؟ جاۋاپكەرشىلىك قايدا؟ ءوزىڭدى ويلاماساڭ، اينالاداعى ادامداردى ويلاۋ كەرەك ەمەس پە؟ وسىنداي بىرەۋدىڭ الاڭعاسىرلىعىنان مەن جول اپاتىنا ۇشىرادىم. ءبىزدىڭ ماشينانى سوققان جاس بالا. مەن ءبىر مەزگىل ەسىمنەن تانىپ، بولعان جاعدايدى تۇسىنبەپپىن. ول تەلەفونىنا قاراپ وتىرىپ، تورموزدى باسۋدى ۇمىتىپ، ءبىزدىڭ كولىككە كەلىپ سوققان كەزدە عانا بىراق توقتاپتى. دەنساۋلىعىما زاقىم كەلدى، ءبىرتالاي كونتسەرتتەردەن قالدىم (وتباسىمنىڭ جاعدايىن ساناماعاندا). ەندى جاس بالا دەپ ونى كەشىرە سالۋىم كەرەك پە، جوق پا؟ ساباق بولسىن دەپ جازالاۋىم كەرەك پا؟ اللا بەرگەن ءومىردى ءۇزىپ جىبەرۋدىڭ ەشكىمنىڭ قاقىسى جوق! سونى ۇمىتپاۋ كەرەك! ءبىز اسىققانمەن، اللا اسىقپايدى! ارينە، بۇعان ەشقانداي زاڭ شىعارا المايسىڭ. ول زاڭ ءار ادامنىڭ ساناسىندا بولۋ كەرەك! ءبىر-بىرىمىزگە جاناشىر، مەيىرىمدى، جاۋاپتى بولايىق. اماندىققا نە جەتسىن، اعايىن! ءومىر ءسۇرۋ قانداي تاماشا»،— دەدى ول.
