كوكشەتاۋدا ءىز-ءتۇزسىز كەتكەن 65 جاستاعى ايەل ءبىر ايدان بەرى تابىلماي جاتىر. ەر ادامنىڭ سوزىنشە، اناسى مامىردىڭ 14-دە ساعات 10:00 شاماسىندا ۇيىنەن شىعىپ كەتىپ، قايتىپ ورالماعان، دەپ حابارلايدى “ادىرنا” ۇلتتىق پورتالى.
اقمولا وبلىستىق پد ءباسپاسوز قىزمەتىنىڭ مالىمەتىنشە، 15 مامىردا كوكشەتاۋ قالالىق پب كەزەكشى بولىمىنە 34 جاستاعى جەرگىلىكتى تۇرعىن حابارلاسىپ، 1957 جىلعى اناسى تاڭشولپان قويباعارقىزى حاسەنوۆانى ىزدەپ تابۋعا كومەك سۇراعان. ەر ادامنىڭ سوزىنشە، اناسى مامىردىڭ 14-دە ساعات 10:00 شاماسىندا ۇيىنەن شىعىپ كەتىپ، قايتىپ ورالماعان.
«جوعالعان ادامدى ىزدەۋگە كوكشەتاۋ قالالىق پب جەكە قۇرامى، ەرىكتىلەر تارتىلدى. ولار تەمىرجول ۆوكزالى، اۆتوۆوكزال، سونداي-اق ۆوكزال اۋدانىنداعى ءدامحانالار مەن قوناق ۇيلەر، قالانىڭ مەديتسينالىق مەكەمەلەرىن ءسۇزىپ شىقتى»، - دەدى ۆەدومستۆودان.
پد ءباسپاسوز قىزمەتىنەن اتاپ وتكەندەي، تاڭشولپان قويباعارقىزىنىڭ بويى - 160 سم، دەنە ءبىتىمى شىمىر، شاشى قىسقا، قوڭىر ءتۇستى. ۇستىنە كۇڭگىرت كوك ءتۇستى كويلەك، قارا تۋفلي كيگەن. بەتىنىڭ مۇرىن تۇسىندا قالى بار. ونىڭ ورنالاسقان جەرى تۋرالى قاندايدا ءبىر اقپارات بىلەتىن ادامدار 8(7162) 72-34-06, 8-707-879-12-98تەلەفون نومىرىنە نەمەسە 102 ارنايى جەلىسىنە حابارلاسا الادى.
”ادىرنا” ۇلتتىق پورتالى
