كوكشەتاۋدا اۆتوكولىك جۋ ورنىنىڭ اۋماعىندا 18 جاستاعى جۇمىسشى ەلەكتر توعىنان كوز جۇمدى، دەپ حابارلايدى “ادىرنا” ءتىلشىسى.
تاعى ءبىر كامەلەتكە تولماعان جۇمىسشى اۋىر حالدە اۋرۋحاناعا جەتكىزىلدى.
الدىن الا مالىمەت بويىنشا، مەتالل كونسترۋكتسياسىن بولشەكتەۋ كەزىندە جۇمىسشىلار ابايسىزدا ەلەكتر بەرۋ جەلىسىنە ءتيىپ كەتكەن. سالدارىنان 18 جاستاعى جىگىت وقيعا ورنىندا العان جاراقاتىنان قايتىس بولدى.
زارداپ شەككەن ءجاسوسپىرىم جەدەل تۇردە اۋرۋحاناعا جەتكىزىلدى. اقمولا وبلىستىق دەنساۋلىق ساقتاۋ باسقارماسىنىڭ مالىمەتىنشە، قازىر ونىڭ جاعدايى تۇراقتى، ومىرىنە تىكەلەي قاۋىپ جوق.
«ناۋقاستىڭ جاعدايى تۇراقتى. ومىرىنە تىكەلەي قاۋىپ ءتونىپ تۇرعان جوق. ول بىرنەشە ساعات جانساقتاۋ بولىمىندە دارىگەرلەردىڭ باقىلاۋىندا بولدى. قازىر تولىق كولەمدە مەديتسينالىق كومەك الىپ جاتىر»، – دەپ حابارلادى وبلىستىق دەنساۋلىق ساقتاۋ باسقارماسىنىڭ ءباسپاسوز قىزمەتى.
اتالعان فاكتى بويىنشا سوتقا دەيىنگى تەرگەپ-تەكسەرۋ باستالدى. وقيعانىڭ ءمان-جايى انىقتالىپ جاتىر.
