كوكشەتاۋدا ءبىر جارىم جاسار بالا 4 قاباتتان قۇلاپ كەتتى

كوكشەتاۋدا ءبىر جارىم جاسار بالا 4 قاباتتىڭ تەرەزەسىنەن قۇلاپ كەتتى، دەپ حابارلايدى "ادىرنا" پورتالى.

وقيعا تۋرالى پوليتسياعا وبلىستىق كوپسالالى بالالار اۋرۋحاناسىنىڭ جەدەل جاردەم ءبولىمىنىڭ مەدبيكەسى حابارلاعان. "بالا 4 قاباتتىڭ تەرەزەسىنەن قۇلاپ كەتكەن. بۇل كەزدە اناسى اس ۇيدە ىدىس-اياق جۋىپ جاتقان، اكەسى ۇيىقتاپ جاتقان. ءوتىپ بارا جاتقان ادامداردىڭ ايعايلاعان داۋىسىن ەستىپ تومەنگە ءتۇسىپ، قۇلاپ جاتقان بالالارىن كورگەن. اتا-اناسى بالانى ءوز كۇشتەرىمەن بالالار اۋرۋحاناسىنىڭ جەدەل جاردەم بولىمىنە جەتكىزدى", – دەلىنگەن اقمولا وبلىسىنىڭ پوليتسيا دەپارتامەنتىنىڭ حابارلاماسىندا. بالا قازىر كومادا جاتىر. الدىن الا بولجام بويىنشا، بالانىڭ باس سۇيەگى اۋىر جاراقات العان، ميى قاتتى زاقىمدانعان جانە باس سۇيەگى سىنعان.